Өчигдөр өглөө Хятадын Шинжаан Уйгурын хурдны зам дээр автобус өнхөрсөн томоохон осол гарчээ.

Ослоор 22 хүн амиа алдаж, 38 хүн гэмтэж бэртсэн талаар “Сяньхуа” мэдээлсэн байна. Сэтгүүлчдийн авсан зургаас харахад зорчигч тээврийн автобусны дээвэр болон талууд бүхэлдээ эвдэрсэн бөгөөд хурдны замын хашлага олон метрээрээ бутран унасан байжээ.

Одоогоор автобусанд нийтдээ хэдэн хүн явсан болон осол гарсан шалтгааны тухай мэдээлээгүй байна. Холбогдох албаныхан ноцтой ослыг шалгаж эхэлсэн хэмээн тус сайтад бичжээ.
Осол болсон хурдны зам нь Кашгар болон Аксу хотыг холбодог аж.

О.Мөнхдуулга