Хоёр хоногийн өмнө Солонгос улсад ажиллаж байсан нэгэн Монгол эмэгтэй галт түлэгджээ. БНСУ-ын Кимпо хотод болсон энэ хэргийг хэн нэг этгээд санаатай үйлдсэн байж болзошгүй аж. Эмэгтэйн биеийн байдал одоогоор хүнд байгаа бөгөөд түлэгдэлтийн хэмжээ 80 хувьтай байна. Энэ талаар ГХЯ-ны Консулын газраас тодруулахад “Манай нэг иргэн галд түлэгдэж, бас өөр нэг иргэн маань энэ хэрэгт сэжиглэгдсэн байна. Бид Монголд байгаа ар гэрийнхэнд нь мэдэгдсэн” гэлээ. Яг ямар хэмжээний гал гарсан, хэн гэдэг эмэгтэй тийнхүү  өртсөн зэргийг Консулын газрынхан хэлсэнгүй. Харин  өнөөдөр тэдгээр хүмүүсийн ар гэрийнхэн Консулын газрынхантай уулзаад Солонгос руу явах юм байна.

Б.Баяр

Эх сурвалж: Tumen.mn