С.Гончигсумлаа­гийн нэрэм­жит Хєгжим бvж­­гийн коллеж урлагийн мэргэжлийн боловсон хvчнийг бага наснаас нь бэлтгэдэг Монголдоо цорын ганц супер сургууль гэдгийг хvн бvхэн мэднэ. Тэгвэл єдгєє тус сургуулийн энэхvv тодотгол аль хэдийн алга болж, зєвхєн албан тушаал ашиг хонжоо хайсан хэдэн бэртэгчин хvний хувийн ємч болжээ. Учир нь тус сургуулийн багш нар удирдлагууддаа сэтгэл дундуур байдаг тєдийгvй, зєвхєн єєрсдийнхєє халаасны хvмvvсээр боловсон хvчний бодлогоо дvvргэж, мэргэжилтнvvдийн амьдралаар нь тоглож байна хэмээн бидэнд хандсан юм. Єєрєєр хэлбэл, бидний сайн мэдэх МУГЖ Г.Эрдэнэбат 2011 оноос єнєєг хvртэл тус сургуулийн захирлаар ажиллаж байгаа бєгєєд удирдлагын ямар ч ур чадваргvйгээ алхам тутамдаа багш нартаа харуулж яваа гэнэ.

Уг нь багш нар “гавьяатыг ирлээ, одоо л манай сургуульд шинэчлэлийн салхи сэвэлзэх нь дээ” гэж баярлаж байж. Гэтэл тэрбээр хуучин байсан олигарх гэх хэдэн удирдлагатай нийлж, юун сайжруулах, улам ч боловсон хvчний доройтолд оруулж, ямар ч чадваргvй мэргэжлийн бус хvмvvсээр єєрийгєє тойрон хvрээлvvлж, тэднийхээ заавраар ажлаа явуулдаг болсон гэнэ. Багш нарын ярьж буйгаар ХБК-д зєвхєн доктор, профессор, эрдмийн цолтой хvн ажиллах ёстой аж. Гэтэл бусдын хэлдгээр “зохиолын дуучин” гэх “сонгуулийн шоунаас тєрсєн гавьяат” ирчихээд ийнхvv ялзаруулж байгаад тэд ихэд бухимдацгааж буйгаа бидэнд ярьсан юм.
Д.Дорждагва: Албан тушаалын хэнээтэй хvмvvсээс болж хvvхдvvд хохирч байна
Тус сургуулийн багш нарын тєлєєлєл болох vлээвэр хєгжмийн багш Д.Дорждагва хэлэхдээ “Манай сургуулийн удирдлагуудын муугаас болж маш олон багш хохирч байна. Vvнд би нэг зvйлийг онцлож хэлье. Энэ онд манай сургууль дєнгєж байгууллагын магадлан итгэмжлэгдсэн сургууль болсон. Уг нь бид олон улсад хvлээн зєвшєєрєгдсєн магадлан итгэмжлэлийг авах ёстой. Vvнээс нь болж хvvхдvvд хохирч байна. Та нар боддоо. Єнєєдєр бид коллеж гэдэг нэртэй боловч Техник мэргэжлийн сургууль буюу мэргэжил vйлдвэрлэлийн сургалтын тєвийн статустай болчихоод байна. Энэ чинь нэр хvндтэй урлагийн ууган сургууль шvv дээ уг нь. Гэтэл хэдхэн хvний ашиг сонирхолоос болж єнєєдєр сургалтын чанар муудаж, чадваргvй багш нараар сургууль дvvрчихээд байна.

Тухайлбал, энэ бvхнийг гардан хийж байгаа хvн нь хуучин Сургалт эрхэлсэн дэд захирал байсан Н.Ганчимэг гэж хvний хийж буй vйлдэл. Одоо тэрбээр энэ албан тушаалаас бууж багш болсон ч сургуулийн удирдлагууд тvvний гарын аясаар ажлаа явуулаад байгаа юм.

Энэ эмэгтэйн балгаас болж багшлах эрхгvй хvмvvс багшилж байна. Тvvнчлэн тэрбээр санхvvгийн vйл ажиллагаанд гар дvрж, Г.Эрдэнэбат захиралд хvртэл ажиллах арга барилыг нь зааж єгч байна. Ийм юм байж болохгvй биз дээ.
Хамгийн наад захын жишээ дурьдахад, зєвхєн тvvнийг тойрон хvрээлэгчид л шагнал урамшууллыгавч байна. Насаараа энд ажиллаж, олон мундаг шавь тєрvvлсэн багш нар шагналын ард vлдэж байх жишээтэй. Яг vнэндээ багш нар тэдний бузар булай, хууль бус vйлдлийг нь мэддэг хэрнээ хэлэхээсээ айдаг. Яагаад гэвэл тэд чинь ажилтайгаа vлдэхийн тулд амаа хамхихаас аргагvй болчихоод байна шvv дээ. Ер нь энэхvv хууль бус ажиллагаа 2000 оноос эхэлсэн тvvхтэй.
Тиймээс ч манай сургууль хєгжиж дэвжихгvй байгаа юм. Хуучин захирал Ч.Наранхvvгийн арга барилыг Г.Эрдэнэбат захирал vргэлжлvvлэн хийж байгаа нь харамсалтай байна. Халаа, сэлгээ, чадваргvй боловсон хvчний асуудал зэрэг бол бvр утгаа алдчихаад байгаа учраас би энэ талаар БСШУ-ны яаманд хvртэл хандсан. Гэвч ямар ч арга хэмжээ авалгvй єнєєдрийг хvрсэн учраас ийнхvv олон нийтэд мэдэгдэж буй юм. Энэхvv мэдээллийг манай сургуулийн мянга, мянган хvvхдийн эцэг, эх мэдэж аваасай.

Ашиг хонжоо, албан тушаал хєєсєн хэдэн увайгvй хvний vйлдлээс болж хvvхдvvд нь хохирч байгааг мэдэж аваг. Тэд vнэндээ хvvхдvvдээ ямархуу орчинд сурч, хvмvvжиж байгааг тєдийлэн мэдэхгvй шvv дээ. Манай сургууль чинь ємнє нь ямар мундаг боловсон хvчин бэлтгэж гаргадаг байлаа. Одоо энэ бvхэн тvvх болж vлдчихээд байгаа учраас ярьж хэлэхээс єєр арга зам бидэнд vлдсэнгvй. Тиймээс БСШУ-ны сайд Л.Гантємєр болон тєрийн албаны зєвлєлийг манай сургууль дээр ирж бодит байдалтай танилцаач гэж хvсмээр байна. Тvvнчлэн санхvvгийн аудитийн шалгалт хийхэд маш олон ноцтой зєрчил илэрнэ. Сургуулийн удирдлага сайн байсны vндсэн дээр сургалтын бааз ч сайжрах ёстой.

Тvvнчлэн тэнхимийн эрхлэгч нар гэж ямар ч ажил хийдэггvй хэдэн нєхєд байна. Тэдэнд сургалтын чанар сайжрах эсэх нь хамаагvй. Ердєє л суудалдаа vлдэж, карьер хєєх л сонирхолтой хvмvvс. Эцэст нь хэлэхэд чадалтай хvмvvсээ дэмждэггvй, чадваргvй удирдлагуудаа бид солихыг хvсч байна. Мєн манай сургууль залуу боловсон хvчнээр цусаа сэлбэх хэрэгтэй байна гэдгийг Л.Гантємєр сайдын чихэнд хvргье” гэв.

Тvvний хувьд сургуулийнхаа чадваргvй боловсон хvчнvvд болон удирдлагуудынхаа эрээ цээрээ алдсан байдлын талаар ихэд харамсангуй ярьж байсан юм. Тиймээс тус сургуулийн захирал Г.Эрдэнэбат энэ бvхнийг анхааралдаа авч монголын нэрийг дэлхий дахинаа тахалж байсан тус сургуульд шинэчлэлийн салхийг сэвэлзvvлж эхэлвэл багш нарын магнай тэнийх бололтой.
Эх сурвалж: