МАН-ын бага хурлын гишүүнээс УИХ-ын суудал руу зүтгэж явсан “Бишрэлт” группын захирал Б.Ундармааг саяхнаас Хөрөнгийн биржийн гүйцэтгэх захирал боллоо хэмээн хэвлэлүүд бичиж байлаа. Гэвч түүний энэ албан тушаалд жинхэлэх эсэх нь эргэлзээтэй байгаа аж. Төрийн өмчийн хороо, Санхүүгийн зохицуулах хороо болон Хөрөнгийн биржийн ТҮЗ-д нөлөө бүхүй зарим нь түүнийг дэмжихгүй  байна. Учир нь Б.Ундармаа Хөрөнгийн биржид бүртгэлтэй хэд хэдэн компанийн хувьцаа эзэмшдэг тул ашиг сонирхолын зөрчилтэй гэж үзэж буй ажээ. Тиймээс хэд хоногийн өмнө Б.Ундармаа өөрийн эзэмшдэг 100 мянга орчим хувьцааныхаа үнийг  50 хувь бууруулан бушуухан арилжаалж амжсан байна. Гэвч гадаад, дотоодын хөрөнгө оруулагчид үүнийг нь хувьцааны ханшийг зохиомлоор унагасан болчимгүй үйлдэл хэмээн зэмлэж байгаа аж. Б.Ундармаа энэ мэтээр санхүүгийн хувьд хүндхэн болоод байгаа Хөрөнгийн биржид будлиан хутгаж эхэлжээ.

Б.Отгон

Эх сурвалж: Tumen.mn