Өнгөрсөн амралтын өдрүүдэд Хэнтий аймгийн Дадал, Дорнод аймгийн Баян-Уул сумын нутгаар ОХУ-аас түймэр орж иржээ. Ойн түймэр тул унтраадахад нэлээд бэрхшээл учирсан байна. Гэхдээ Онцгой байдлын аврах ангийн албан хаагчид нутгийн иргэдтэй хамтран бүтэн өдөр шөнийн турш шаргуу ажиллаж түймрийг унтраажээ. Түүнчлэн Сүхбаатар аймгийн Түмэнцогт сумын нутагт гарсан хээрийн түймрийг нутгийнхан  унтрааж чадсан гэж тус аймгаас мэдээллээ. Сүүлийн хоёр өдрийн дотор харин нийслэлийн хэмжээнд автомашин, айлын амбаар, гэр  шатсан зэрэг таван дуудлага ирсэн бөгөөд азаар хүний  амь үрэгдээгүй аж. 

Б.Баяр

Эх сурвалж: Tumen.mn