Уншигч та гурван яамнаас бүрдсэн Төсвийн тогтвортой байдлын тухай хуульд нэмэлт оруулах хуулийн төслийг боловсруулсан ажлын хэсгийн бүрэлдэхүүнийг харж байна. Энэхүү нэмэлт оруулах тухай хуулиар Эгийн голын УЦС-ыг барихад зарцуулах 827 сая долларын зээлийг Төсвийн тогтвортой байдлын тухай хуулиас хасуулах юм гэнэ. Бүр хасуулахаар улайрч эхэлсэн бололтой. Ажлын хэсгийн бүрэлдэхүүнийг үзэхэд Шийдлийн Засгийн газрын хоёрын хоёр сайд толгойлж байгаа аж. Сангийн сайд Ж.Эрдэнэбат, ЗТ-ийн сайд Н.Төмөрхүү нарыг ЭХ-ний сайд Д.Зоригт “бодлогоор дэмжиж” байна.. Уншигч та нэмэлтээр орж байгаа өөрчлөлтийн 2-р зүйлийг анзаарна  уу. Уг заалтад “уул уурхай” гэсний ард “эрчим хүч, төмөр зам” гэж нэмж оруулж байгаа нь Н.Төмөрхүү, Д.Зоригт нарын хариуцсан салбарыг хэлж байгаа хэрэг юм. Манайд гаднаас авсан зээл тусламжийн үнэ зөв нэгдсэн тооцоо бүртгэл СЯ, Монголбанкинд ч байдаггүй агаад хэн авсан нь мэдэгдэхгүйгээр замхраад алга болсон жишээ олныг дурдаж болно.
 

Эх сурвалж: NUUTS.mn