МХЕГ-аас одоо баригдаж байгаа 275 барилгын гүйцэтгэгч компаниудын үйл ажиллагаа болон Улаанбаатар-Дарханы чиглэлийн зам, замын байгууламжийн ашиглалт, засвар арчлалт, нийслэлийн орон сууцуудын цахилгаан шатны ашиглалт, шинэчлэлийн явц, “Ургах наран” хорооллын бохир усны сүлжээ, “Налайх-Улаанбаатар”, “Туул-1” бохир ус цуглуулах гол шугам сүлжээний ажлыг шалгажээ. Шалгалтаар 2475 зөрчил илэрсэн байна. Барилга дээр удаа дараа аваар осол гаргаж, хүний амь үрэгдүүлсэн, гэрээгээр хүлээсэн үүргээ биелүүлээгүй 11 компанийн үйл ажиллагааг зогсоож, тусгай зөвшөөрлийг хүчингүй болгох саналыг Барилга хот байгуулалтын яаманд хүргүүлэхээр болжээ. Мөн тендерт шалгарч ажил хүлээн аваад гүйцэтгэлийг муу хийсэн хэд хэдэн компанийг “Хар жагсаалтанд” оруулж, заримыг нь хууль хяналтын байгууллагаар шалгуулахаар шийдсэн байна.

Б.Баяр 

Эх сурвалж: Tumen.mn