Ерөнхийлөгч Ц.Элбэгдоржийн урилгаар Унгар улсын Ерөнхийлөгч Янош Адер, гэргий Анита Херцегийн хамт  манай оронд хийх айлчиллаа өнөө өглөө эхэллээ. Энэхүү айлчлал нь манай хоёр орны хооронд дипломат харилцаа тогтоосны 65 жилийн ойн хүрээнд болж буй нь онцлог юм.  Янош Адер айлчиллынхаа үеэр Монгол  улсын Ерөнхийлөгч Ц.Элбэгдоржтой хэлэлцээр хийлээ. Хэлэлцээрт хоёр орны хамтын ажиллагааг улам бэхжүүлэх, эдийн засаг, ялангуяа худалдаа, боловсрол, хөдөө аж ахуйн хамтын ажиллагааг өргөжүүлэх асуудлууд тусгагдав. Ерөнхийлөгч Ц.Элбэгдорж өнгөрсөн онд Унгарт айлчлах үеэрээ тус улсад Монгол залуусыг суралцуулах боломжийн талаар санал тавьж байлаа. Унгар улсын Ерөнхийлөгч Янош Адер УИХ-ын дарга З.Энхболд, Ерөнхий сайд Ч.Сайханбилэг нартай уулзаж, жил бүр 100 Монгол оюутныг Унгарт суралцуулахаар болов.

Б.Баяр 

Эх сурвалж: Tumen.mn