Хятадын зохиолч Зян Руны “Чонон сүлд” романаар адил нэртэй кино бүтээсэн Францын нэрт найруулагч, зохиолч Жан Уак Анно өнөөдөр манай оронд хүрэлцэн ирсэн билээ. Тэрбээр Монгол Улсын Ерөнхийлөгчийн албан ёсны урилгаар манай оронд зочилж, албаны хүмүүстэй уулзаж байгаа.  

Тэгвэл өнөөдөр түүнийг  Боловсрол соёл шинжлэх ухааны яамны сайд Л.Гантөмөр хүлээн авч уулзсан бөгөөд уулзалтад "Чонон сүлд" киноны уран бүтээлчид ч оролцсон юм.  

Мөн тус уулзалтын үеэр "Чонон Сүлд" киноны гол дүрийн жүжигчин Р.Анхням "Алтан гадас" одонгоор энгэрээ мялаасан байна. Р.Анхням “Чонон сүлд” кинонд тоглохын тулд багагүй шалгуурыг давж, Франц найруулагчийн хараанд өртсөн юм. Улмаар дэлхийд алдартай найруулагчийн бүтээлд тоглож, Монголынхоо нэрийг олон улсын тавцанд сайнаар гаргасан билээ.