Нийслэлийн МАН 90 жилийн ойгоо энэ сарын турш  иргэд, намын гишүүд дэмжигчидтэйгээ тэмдэглэж Тусгаар тогтнолын ордон хөл хөдөлгөөн ихтэй байна. Өнөөдөр  Сүхбаатар дүүргийн 16-р хороо,76-р үүрийн ахмад гишүүн Д.Цэвэглхасүрэн гуай Нийслэлийн МАН-ын хорооны дарга Ц.Сандуйтай уулзаж, санал бодлоо хэлж, намынхаа ойд чин сэтгэлийн мөнгөн хандив өглөө. Д.Цэвэглхасүрэн гуай газар тариалангийн салбарт 60 жил ажилласан арвин баялаг туршлагатай хүн юм. Тэрээр өндөр насныхаа тэтгэвэрт гарснаас хойш 20 гаруй жилийг мод бут тарих, жимс жимс тарьж ургуулах ажилд зориулж яваа аж. Мод , жимс, хүнсний ногоо тарьж ургуулах тухай 5 гарын авлага бичиж, олны хүртээл болгожээ. Д.Цэвэглхасүрэн гуай намынхаа гишүүд дэмжигчдийн дунд мод тарих хөдөлгөөн өрнүүлэх хүсэлтэй явдгаа Ц.Сандуй даргатай уулзах үеэрээ дуулгалаа.