Нийслэлийн Баянгол дүүргийн "Ачлал" их дэлгүүрийн арын 16 дугаар байрны оршин суугчдыг   шөнө дөлөөр  нүүлгэн шилжүүлж, зочид буудлуудад  түр амьдруулж байгаа ажээ. Тэдгээр айлуудын мэдээлснээр  “Барилга чичирхийлсэн  тул биднийг нүүлгэхээс аргагүй болсон” гэж байлаа. Энэ талаар  тус  дүүргийн Засаг дарга Д.Оросоо  “Вi Ji Bi Ji” компанид   барилга барих зөвшөөрлийг 2008 онд Нийслэлийн Засаг даргын захирамжаар олгосон.  Мөн  2012 оны долдугаар сард Барилга, хот байгуулалтын яамнаас 18 давхар барилгын ажил эхлүүлэхийг зөвшөөрсөн байдаг. Тиймээс Баянгол дүүргийн Засаг дарга зөвшөөрөл олгосон болон барилгын суурь ухаж, зэргэлдээх байрны олон арван оршин суугчдыг түгшүүрт байдалд оруулсан буруутай этгээдүүдийг шалгуулж, эрүү үүсгэх болно” хэмээн   мэдэгдэв. Эхний ээлжинд “Вi Ji Bi Ji”  компанийн барилга барих зөвшөөрлийг хүчингүй болгох ажээ. Одоогоор 16 дугаар байранд нарийвчилсан дүгнэлт хийлгэхээр  шинжээчдийг томилоод байгаа юм байна.

Б.Баяр 

Эх сурвалж: Tumen.mn