Дархан-Уул аймгийн “Дархан, Сэлэнгийн цахилгаан түгээх сүлжээ” компанийнхан “Дархан ус суваг” компанийн цахилгааныг тасалж, иргэд, аж ахуйн нэгжүүдийг хүнд байдалд оруулжээ. “Дархан, Сэлэнгийн цахилгаан түгээх сүлжээ” компани санхүүгийн хувьд доройтсон тул арга буюу төлбөрөө төлөөгүй “Дархан ус суваг”-ийн цахилгааныг тасалсан гэж буй аж. Одоо “Дархан ус суваг”-аас 160 гаруй сая төгрөгийн авлагатай гэнэ. Гэвч цахилгаан тасалснаас болоод “Дархан ус суваг”-ийнхан цэвэр бохир усны шугамаа сольж чадахгүйд хүрч,  бохир нь хальж олон улсын төмөр замыг бохирдуулж эхэлжээ. Мөн айлууд бохир усанд автах аюул нүүлээд байгаа аж. Энэ байдлыг  “Дархан, Сэлэнгийн цахилгаан түгээх сүлжээ” компанийнхан болон аймгийн ИТХ, Засаг дарга нарт уламжилсан боловч хайхарч үзээгүй  гэсэн гомдол тавьж байна.

Б.Баяр 

Эх сурвалж: Tumen.mn