“ТВ-Коктейл” хамтлагийн жүжигчин Н.Цэнд-Аюуш урлагийн сайхан хүүхнүүдийн тоонд зүй ёсоор ордог нэгэн. Царай муутай Өөскө, полдгор Цоомоо хоёрынхоо ганц чимэг нь болдог гэх энэ бүсгүй анх ажлын гараагаа “Шинэ үе“ продакшинаас эхэлж байсан түүхтэй. Гэвч сэргэлэн залуустай танилцангуутаа  “Hot чинжүү” нэвтрүүлэг рүү урвасан юм байх. Төв аймгийн харьяат тэрбээр оюутан ахуйдаа тун сайн наймаачин байсан гэнэ шүү.

Дэнжийн мянгын зах дээр ах, эгчийнхээ бөөндөж авчирсан ногоог нүдээ ирмэсхийж байгаад боломжийн үнээр төвөггүйхэн зарж, дундаас нь подхийсэн ашиг гаргачихдаг байсан тухайгаа жүжигчин бүсгүй маань нэгэнтээ дэлгэжээ. Харин захынхан түүний сэргэлэнг нь гайхан шогширч, ижил бараатай нэг нь илүү үзэх нь холгүй байсан гэдэг. Түүний энэ бизнес зан одоо ч арилаагүй бөгөөд мөнгөний ажил олохдоо тун ч гарамгай гэлцдэг билээ. Магадгүй жүжигчний мэргэжлийг сонгоогүй байсан бол тэрбээр өдийд мундаг сайн бизнесмэн байх байсан биз ээ.

Эх сурвалж: Photonews.mn