Монголын эрэгтэй хамтлагуудын томоохон төлөөллийн нэг “Камертон” хамтлагийнхан өчигдөр 20 жилийнхээ ойг фенүүдтэйгээ тэмдэглэн өнгөрүүлсэн. Ингэхдээ тоглолт хийгээгүй бөгөөд “Crocus event hall”-д “VIBE 105.5fm”-ийн нээлтийн “Black & White party”-д оролцсон юм.

Энэ шоунд “Камертон” хамтлагийнхан зарим дуугаараа фенүүддээ бэлэг барьсан бөгөөд яг тэр агшинд тус хамтлагийн гишүүн Л.Ган-Эрдэнэ аав болсон сайхан мэдээгээ дуулгасан байна.

Тэрээр “Манай Л.Ган-Эрдэнийн гэргий Б.Уянга маань өнөөдөр буюу бидний 20-н жилийн ойн өдөр хоёр дахь хүүгээ төрүүллээ. Ингээд Ганаа маань 38-тай аав болж байна” хэмээв. Дуучин Ганаа гурав дахь хүүхдээ өлгийдөн авч буй юм. Өмнө яруу найрагч Гэрэлийн охин хөтлөгч Халиунтай гэрлэж, хөөрхөн охинтой болсон ч хосууд удаан хамт амьдралгүй хоёр тийш болсон. Харин хоёр дахь амьдралаа эхлүүлж  “Жигүүр Гранд” группын захирал Баттөрийн охин Уянгатай гэрлэж хосууд хоёр дахь хүүхдээ өлгийдөн авсан байна. Ямартай ч дуучин залуу маань хамтлагийнхаа ойн баяраар хүүхдээ өлгийдөн авсан давхар давхар баяр тохиожээ.

Эх сурвалж: Шуурхай.мн