ЗУНЫ ДУНД ХАР МОРИН САР

БИЛГИЙН ТООЛЛЫН 10, ТЭРГҮҮН ДАГУУЛ ОДТОЙ, ХАРАГЧИН ТАХИА ӨДӨР

(Аргын тооллын 6 сарын 26, Сугар гараг)

Өдрийн наран 5 цаг 05 минутад мандан, 20 цаг 55 минутад жаргана

Үс шинээр үргээлгэх буюу засуулбал: эрч, хүч ихсэнэ

Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хагалгаа хийлгэх, буг дарах, газрын ам бооход сайн.

Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу.

Өдрийн сайн цаг нь хулгана, бар, туулай, морь, хонь, тахиа болой.

Хол газар яваар одогсод баруун зүгт мөрөө гаргавал зохистой.