Тагнуулын ерөнхий газрын Кибер аюулгүй байдлын газар, Эрүүгийн цагдаагийн газрын Кибер гэмт хэрэгтэй тэмцэх хэлтсийнхэн интернэт залилангийн томоохон хэргүүдийг илрүүлжээ. Тухайлбал, Монголын цахим хэрэглэгчид рүү гадаадын интернэт хэрэглэгч, сайтуудаас “Та азтан боллоо, Сугалаанд мөнгө хожлоо, 5000 ам.доллартай энэхүү дансыг та эзэмших эрхтэй боллоо” гэхчлэн захидал илгээж, улмаар уг мөнгийг авахын тулд та мөнгөний таван хувийг бидэнд шилжүүлэх ёстой гэж тодорхой хэмжээний мөнгө шилжүүлэн авдаг байна.
Мөн аж ахуйн нэгжүүдтэй шилжүүлгийн данс ажиллахгүй байгаа тул та энэ дансаар мөнгөө шилжүүлнэ үү гэхчлэн хүсэлт илгээж улмаар мөнгийг нь залилах замаар 27 аж ахуйн нэгж иргэнд 1.6 тэрбум төгрөгийн хохирол учруулсан хэрэг гарчээ.
Түүнчлэн цахим секс төрлийн гэмт хэрэгт 15 иргэнийг хохирогчоор, зохиогчийн эрхийг зөвшөөрөлгүй авсан дөрөв, садар самууныг сурталчилсан зургаа, зохиогчийн зөвшөөрөлгүйгээр цахим сайтад кино байрлуулсан дөрвөн иргэнд Эрүүгийн хуулийн тусгай ангийг 140.1-т зааснаар хариуцлага тооцжээ. Энэ хүрээнд садар самууныг сурталчилсан Монголын 6 сайтыг хаасан бол гадаадаас хандах 35 сайтын хандалтыг хязгаарласан байна.
Эх сурвалж:
Энэ мэдээ хуучирсан буюу 2015/09/08-нд нийтлэгдсэн мэдээ болно.
