Төв аймгийн Лүн сумын Аргалант гэдэг газарт их хэмжээний шатахуун ачиж явсан том оврын автомашин шатаж томоохон шуугиан дэгдээсэн байна.

Уг автомашин нь аль компанийн хэний машин гэдгийг цагдаагийн байгууллагаас ихээхэн нууцлаж байгаа бөгөөд энэ хэрэгт цагдаагийн байгууллага зохих арга хэмжээг авч байгаа гэхээс өөр тайлбар өгсөнгүй.

Шатахуун ачиж яваа автомашинд гал гарна гэдэг нь ноцтой асуудал бөгөөд хэрэв хүн ам ихээр төвлөрсөн суурин газруудад энэ үйл явдал болсон бол хэрхэхийг ёстой бурхан тэнгэр л мэдэх буйзаа. Бид энэхүү автомашины эзэмшигч компанийг олохоор сурвалжилж байна.