Монголын үйлдвэрчний эвлэлийн соёлын төв ордон 40 жилийнхээ ойн хүрээнд олон ажил зохион байгуулж байна. Энэ сарын 26-нд дэмбээ наадмыг бага танхимдаа зохион байгуулахаар болжээ. Энэхүү наадамд хүссэн хэн ч оролцож болох бөгөөд 10 мянган төгрөгөөр мандат авах аж. Мөн Монголын үйлдвэрчний эвлэлийн соёлын төв ордныхон ойн хүрээндээ Олон улсын ахмадын өдрийг тохиолдуулан“Мэндийн цэнхэр хадаг” хэмээх тоглолтыг ирэх сарын 1-нд зохион байгуулахаар болжээ.