Үндэсний үйлдвэрлэгч “Exclusive” компани өөрийн нэрийн бараагаа үнэгүй тараана хэмээн шуугиан дэгдээж олны анхаарлыг татсан ч эцэстээ энэ бүхэн худал болж өндөрлөсөн. Тус компанийн захирал Г.Майцэцэгтэй холбоотой асуудал сүүлийн өдрүүдэд багагүй маргаан дагуулаад байна.  Тэрээр Хан-Уул дүүргийн татварын албаны дарга Д.Бадамыг өчигдөр хуралтай байх үеэр цагаан хадаг барин орж өмнө нь болсон хар муу зүйлсийг ингээд мартацгаагаад эвлэрье гэжээ. 

Майцэцэгийн уучлалын хариуд  Хан-Уул дүүргийн татварын албаны дарга Д.Бадам: "Хэвлэлээр намайг болоод татварын албыг чи багагүй гүтгэж доромжилсон. Надад цагаан хадаг бариад яахав. Чи энэ бүхнээ албан ёсоор хэвлэл мэдээллүүдээр хэлж, засч залруул. Би гол нь Монгол улсад татвараа төл гэдэг л шаардлага тавьсан. Татвараа төлчихвөл л болох байсан зүйл шүү дээ" гэжээ. Майцэцэгийн хэлсэнчлэн: Майцэцэг Бадамтай эвлэрэх нь бие биенээ дэмжин ажиллах эхлэлийн бэлгэдэл ч юм билүү.

Эх сурвалж: Times.mn