Энэ сарын 22-нд орсон хүчтэй мөндөрийн улмаас Төв аймгийн Угтаалцайдам сумын тариалангийн талбай их хэмжээгээр сүйдсэн гэх мэдээллийг бид өмнө хүргэсэн.

Тэгвэл газар дээр нь ажиллаад ирсэн Угтаалцайдам сумын Засаг даргын орлогч болоод сумын ХАА-н мэргэжилтэнтэй дахин холбогдож мэдээлэл авлаа. Тэдний ярьснаар сумын тариалангийн талбайн 80 орчим хувь нь сүйдсэн, хохирлын хэмжээ маш их байгаа аж. Түүнчлэн тариалангийн талбай сүйдсэнээс болж, өвөлжилт нэлээд хүндэрч болзошгүй хэмээн ярьж байв.

 

 

 

 

 

 

 

 

 

 

 

 

 

 

 

 

Харин энэ талаар аймгийн Засаг даргын орлогч Ш.Төмөрчөдөртэй холбогдож лавлахад “Угтаалцайдам сумын хувьд ургац хураалт 50 хувьд хүрж чадах уу, үгүй юу гэх байдалд хүрээд байсан. Харин өнгөрөгч өдөр орсон мөндөрийн улмаас тариалангийн талбайг сүйдсэн байна. Сумын удирдлагууд хохирлын хэмжээг тогтоогоод бидэнд мэдээллэх ёстой, одоогоор дүн мэдээ ирээгүй байгаа. Ямартай ч энэ суманд өвөлжилтийн асуудал нэлээд хүнд болж ирлээ” гэсэн юм.

MNB.mn