Зам тээврийн сайд М.Зоригт ажлаа аваад удаагүй байхдаа “Чингис хаан” Олон улсын нисэх буудалд бууж байгаа гадаад нислэгийн зорчигчид онгоцноос буугаад 15 минутад багтаан ачаагаа аваад гарч ирж байхыг даалгасан. Хэт удаан байна гэсний дагуу ачааны сканнерын тоог нэмж, зорчигчдод хүндрэл учруулахгүй байх даалгавар өгснийхөө дагуу өчигдөр очиж гэнэтийн шалгалт хийлээ.

Тэрбээр “Эйр чайна”-гийн Бээжингийн нислэгийн зорчигчдыг бууж ирэхэд нь хоолойноос эхлэн тосож угтан авагчдын танхимд гарч иртэл нь цаг харсан аж.  Эхний зорчигч 9 минутад, сүүлийнх нь 14 минутад гарч ирсэн байна. 

Ямар ч байсан “Чингис хаан” онгоцны буудлынхан салбарын сайдынхаа өгсөн үүрэг даалгаварыг боломжийнхоо хэмжээнд биелүүлжээ.  Гэхдээ энэ бол нэг онгоц буусан тохиолдлынх. Хэрэв 200 гаруй зорчигчтой хоёр  онгоц зэрэг буувал энэ хугацаа уртсах нь тодорхой юм. Ямар ч байсан “Чингис хаан” онгоцны буудлын үйлчилгээ сайжирч, хурд нь нэмэгдэж эхэллээ. М.Зоригт сайд шалгалт хийх явцдаа хийсэн ажлыг баталгаажуулан, баримтлуулж өөрөө зургийг нь дарж байсан аж.