Украины Ерөнхийлөгч П.Порошен-ко тус улсын зүүн мужуу дад өрнөж буй байлдааны ажиллагаанд зориулж төсвөөсөө таван сая ам.долларыг өдөр тутам зарцуулж буйг НҮБ-ын индрээс үг хэлэхдээ мэдэгджээ. Тэрбээр “Дайн ба алан хядах үйл ажиллагаа энх тайвныг үгүй хийж, дэлхий дахинаа тогтвортой хөгжилд саад болж байна” гэсэн байна. Мөн Украин дахь зөрчилдөөний уршгаар дэд бүтэц сүйрч, тус улсын эдийн засгийн хэмжээ 1/5 хэмжээгээр буурсныг хэлсэн аж. Мөн “Оросын түрэмгийллийн” уршгаар экологийн эрдсэл нэмэгдэж, нийгэмд тодорхой бэрхшээл бий болох аюултайг өгүүлжээ. “Дотооддоо дүрвэсэн иргэдийн тоо 1.5 сая болсон нь Украин төдийгүй бүс нутгийн асуудал юм. Украин улс Донбасс, Крым дэх бүрэн эрхт байдлаа сэргээсний дараа хэдэн сая хүнд хэвийн амьдралдаа эргэн орох боломжийг хангах нь чухал” хэмээн Украины Ерөнхийлөгч мэдэгдсэн байна.

Unen.mn