Олон улсын болон Монголын ахмадын өдөр, “Ахмадын эрүүл мэндийг дэмжих сар”-ын нээлтийн үйл ажиллагааг өнөөдөр “Чингисийн талбай” дээр “ эрүүл насжилтыг дэмжих, сурталчилах өдөрлөг хэлбэрээр тэмдэглэн өнгөрүүлэх гэж байна.
Дэлхий нийт XXI зууныг “Насжилтын зуун” хэмээн нэрлэж, НҮБ-аас насжилтын асуудлаархи олон улсын төлөвлөгөөг батлан гаргаж, гишүүн орнууддаа өөрийн онцлог байдлыг тусгасан бодлогын баримт бичгийг боловсруулан гаргаж мөрдөн ажиллахыг зөвлөсөн байдаг.
Манай улсад настан хүн амын тоо жил ирэх тутам өсч, дундаж наслалт нэмэгдэж, тухайлбал 2010 онд дундаж нас 68.1 байсан бол 2014 онд 69.57, үүнээс эрэгтэй 65.91 эмэгтэй 75.49 болж өссөн байна. Хүний амьдралын хугацаа уртасч, хүн амын дотор ахмад настны тоо олширсноор тэдэнд үзүүлэх нийгмийн эрүүл мэнд болон эрүүл мэндийн тусламж үйлчилгээ манай орны тулгамдсан асуудал болоод байна.
Монгол Улсын Засгийн газрын 2013 оны 416 дугаар тогтоолоор “Эрүүл насжилт, настны эрүүл мэнд” үндэсний хөтөлбөрийг батлан гаргасан бөгөөд төрөөс хүн амын эрүүл насжилтыг дэмжин, настны эрүүл мэнд, халамж, хамгаалал, нийгмийн оролцоог сайжруулан ахмад настны амьдралын чанарыг дээшлүүлэх зорилгоор хөтөлбөрийг хэрэгжүүлэн ажиллаж байна.
2015 онд НҮБ-аас олон улсын ахмадын өдрийг “Хотжилтын орчинд настны оролцоо ба тогтвортой байдал” уриан дор тэмдэглэн өнгөрүүлэхийг гишүүн улс орнууддаа уриалсны дагуу Геронтологийн үндэсний төв “Олон Улсын Ахмадын Өдөр” болон “Ахмадын эрүүл мэндийг дэмжих сар”-ын нээлтийн үйл ажиллагаа, өдөрлөгийг Эрүүл Мэнд Спортын Яам, Дэлхийн Эрүүл Мэндийн Байгууллага, Нийслэлийн Засаг Даргын Тамгын Газар, Анагаахын Шинжлэх Ухааны Үндэсний Их Сургууль, Монголын Ахмадын Холбоо, Нийслэлийн ахмадын хороо, Улаанбаатар төмөр зам ахмадын холбоо ТББ, Нийслэлийн хөдөлмөрийн хэлтэс, халамж үйлчилгээний хэлтэс зэрэг байгууллагуудтай хамтран “Эрүүл насжилтыг дэмжих” өдөрлөгийг өргөн хүрээнд тэмдэглэн өнгөрүүлж байна.
Тус өдөрлөгийн хүрээнд “1000 настны хийн дасгалын үзүүлэх тоглолт”, 100 настнуудын иогийн дасгалын тоглолт, “Улаанбаатар төмөр замын ахмадын холбоо” ТББ-ын “Сэтгэлийн эгшиг” урлагийн тоглолт зэрэг урлаг соёлын үйл ажиллагаа болохоос гадна Геронтологийн үндэсний төв, Дүүргүүдийн эрүүл мэндийн нэгдэл, 103 яаралтай түргэн тусламжийн нарийн мэргэжлийн эмч нарыг баг эрүүл мэндийн урьдчилан сэргийлэх үзлэг, шинжилгээг зохион байгуулж байна.
Тус үзлэг шинжилгээнд:
Мөн үйл ажиллагааны хүрээнд нийслэл, дүүргүүдийн Хөдөлмөрийн хэлтэс, Халамж үйлчилгээний хэлтэсүүд үйл ажиллагаагаа явуулан ажил эрхлэлт, ажилд зуучлах, халамжийн үйлчилгээтэй холбоотой настанд хэрэгцээтэй мэдээ мэдээллээр ханган ажиллах ажээ.
Э.Мөнх
Дэлхий нийт XXI зууныг “Насжилтын зуун” хэмээн нэрлэж, НҮБ-аас насжилтын асуудлаархи олон улсын төлөвлөгөөг батлан гаргаж, гишүүн орнууддаа өөрийн онцлог байдлыг тусгасан бодлогын баримт бичгийг боловсруулан гаргаж мөрдөн ажиллахыг зөвлөсөн байдаг.
Манай улсад настан хүн амын тоо жил ирэх тутам өсч, дундаж наслалт нэмэгдэж, тухайлбал 2010 онд дундаж нас 68.1 байсан бол 2014 онд 69.57, үүнээс эрэгтэй 65.91 эмэгтэй 75.49 болж өссөн байна. Хүний амьдралын хугацаа уртасч, хүн амын дотор ахмад настны тоо олширсноор тэдэнд үзүүлэх нийгмийн эрүүл мэнд болон эрүүл мэндийн тусламж үйлчилгээ манай орны тулгамдсан асуудал болоод байна.
Монгол Улсын Засгийн газрын 2013 оны 416 дугаар тогтоолоор “Эрүүл насжилт, настны эрүүл мэнд” үндэсний хөтөлбөрийг батлан гаргасан бөгөөд төрөөс хүн амын эрүүл насжилтыг дэмжин, настны эрүүл мэнд, халамж, хамгаалал, нийгмийн оролцоог сайжруулан ахмад настны амьдралын чанарыг дээшлүүлэх зорилгоор хөтөлбөрийг хэрэгжүүлэн ажиллаж байна.
2015 онд НҮБ-аас олон улсын ахмадын өдрийг “Хотжилтын орчинд настны оролцоо ба тогтвортой байдал” уриан дор тэмдэглэн өнгөрүүлэхийг гишүүн улс орнууддаа уриалсны дагуу Геронтологийн үндэсний төв “Олон Улсын Ахмадын Өдөр” болон “Ахмадын эрүүл мэндийг дэмжих сар”-ын нээлтийн үйл ажиллагаа, өдөрлөгийг Эрүүл Мэнд Спортын Яам, Дэлхийн Эрүүл Мэндийн Байгууллага, Нийслэлийн Засаг Даргын Тамгын Газар, Анагаахын Шинжлэх Ухааны Үндэсний Их Сургууль, Монголын Ахмадын Холбоо, Нийслэлийн ахмадын хороо, Улаанбаатар төмөр зам ахмадын холбоо ТББ, Нийслэлийн хөдөлмөрийн хэлтэс, халамж үйлчилгээний хэлтэс зэрэг байгууллагуудтай хамтран “Эрүүл насжилтыг дэмжих” өдөрлөгийг өргөн хүрээнд тэмдэглэн өнгөрүүлж байна.
Тус өдөрлөгийн хүрээнд “1000 настны хийн дасгалын үзүүлэх тоглолт”, 100 настнуудын иогийн дасгалын тоглолт, “Улаанбаатар төмөр замын ахмадын холбоо” ТББ-ын “Сэтгэлийн эгшиг” урлагийн тоглолт зэрэг урлаг соёлын үйл ажиллагаа болохоос гадна Геронтологийн үндэсний төв, Дүүргүүдийн эрүүл мэндийн нэгдэл, 103 яаралтай түргэн тусламжийн нарийн мэргэжлийн эмч нарыг баг эрүүл мэндийн урьдчилан сэргийлэх үзлэг, шинжилгээг зохион байгуулж байна.
Тус үзлэг шинжилгээнд:
- Дотор
- Зүрх судас
- Мэдрэл
- Уламжлалт эмчилгээний эмчийн үзлэг
- Зүрхний бичлэг
- Ясны нягтрал тодорхойлох
- Хэвлийн чанд авиан шинжилгээ
- Бие бялдарын цогц үнэлгээ
- Захын судсанд санамсаргүй сахар тодорхойлох
- Артерийн даралт үзэх зэрэг үзлэг шинжилгээ хийгдэнэ.
Мөн үйл ажиллагааны хүрээнд нийслэл, дүүргүүдийн Хөдөлмөрийн хэлтэс, Халамж үйлчилгээний хэлтэсүүд үйл ажиллагаагаа явуулан ажил эрхлэлт, ажилд зуучлах, халамжийн үйлчилгээтэй холбоотой настанд хэрэгцээтэй мэдээ мэдээллээр ханган ажиллах ажээ.
Э.Мөнх
Эх сурвалж: www.mminfo.mn
