Монгол Улсын гуравдахь Ерөнхийлөгч Н.Энхбаярыг өнгөрсөн сард БНСУ-ын нэгэн шар хэвлэлд иргэншлээ солих хүсэлт тавьсан гэх мэдээлэл гараад байсан. Тэгвэл тухайн үед энэ мэдээллийг үгүйсгэж түүнийг БНСУ-д эмчлүүлж байгаа, удахгүй эх орондоо ирнэ гэж намын нөхөд нь хэлж асуудал намжиж байсан удаатай.
Гэтэл өнөөдөр БНСУ-ын өдөр тутмын томоохон сонинд Монгол Улсын Ерөнхийлөгч асан Н.Энхбаярын иргэншил солих хүсэлтийг БНСУ-ын тал хүлээн авсан гэж бичжээ.
Тэгвэл энэхүү мэдээллийн талаар хэвлэлийн бага хурлыг МАХН-ын байранд хийлээ. Тус намын ерөнхий нарийн бичгийн дарга Г.Шийлэгдамба "Солонгос улсын хэвлэл мэдээллийн хэрэгслээр зарим нэг телевиз, сонин, сайтаар Н.Энхбаярыг улс төрийн орогнолыг хүсч өргөдлийг хүлээн авлаа гэсэн мэдээлэл цацагдлаа. Энэхүү мэдээлэлтэй холбоотой бид шуурхай хуралдсан. Мөн Н.Энхбаяр даргатай утсаар холбогдож зохих газруудад өөрсдийн байр сууриа илэрхийлсэн албан бичгйиг явуулах нь зүйтэй гэж үзлээ. Тухайлбал, БНСУ-д суугаа Монгол улсын элчин сайдын яаманд Солонгос улсын хэвлэлээр гарсан мэдээлэл ор үндэсгүй тухай өөрийн баттай эх сурвалжаас тодруулга авалгүй гарсан мэдээллийг хэрхэн залруулах асуудалд анхаарал хандуулж ажиллахыг хүссэн албан бичгийг бид явуулах гэж байна" гэлээ.
Х.Даваа
Эх сурвалж: www.dorgio.mn
