Увс аймгаас УИХ-ын зөөлөн сэнтийд хоёр дахиа заларч буй хүн бол Б.Чойжилсүрэн хэмээх гишүүн билээ.
Хуралдаа суудаггүй, хууль баталдаггүй энэ гишүүн хааяа нэг “үүлэн чөлөөний нар” шиг хуралдаа сууж харагддаг. Тиймдээ ч ийм гишүүн байдаг юм уу гэж хүмүүс их асуудаг. Хуралдаа суух нь битгий хэл хууль ч санаачилж үзээгүй эрхэм гишүүн өнгөрсөн 8 жил Увс аймгийг төлөөлж УИХ-д суухдаа яг юу хийв.
Байхаасаа байхгүй нь их, байсан ч байхгүй юм шиг байдаг түүнийг зарим нь УИХ дахь “хэлгүй” Кароля, “хөлгүй” тэргэнцэртэйгээ хамт байна ш дээ хэмээн цаашлуулдаг. УИХ-д энэ мэт “хэлгүй” Каролянууд байдаг ч дөрвөн жилийн эцэст хэлд, хөлд зэрэг ордог уламжлалтай.
Харин сайхь Б.Чойжилсүрэн 8 жил болоход яагаа ч үгүй байна. УИХ-аас гараад бизнесээ сайн цэцэглүүлдэг ч улстөрч хүн байхад арай л тохирохгүй хүн байна. Увс аймгийг бүтэн 8 жил хэлгүй, дүлий хүн аятай “төлөөлчихөөд” дахиад дөрвөн жил төлөөлөх гэнэ. Увсыг 12 жил “хэлгүй, дүлий” хүн төлөөлөх юм гэж үү. Увсын сонголт энэ юм гэж үү. Одоо нэг хэлтэй устай, хөлтэй хөгжөөнтэй, хүний өмнө үгээ хэлж чаддаг, нүүр лүү нь эгцэлж байгаад аймгийнхаа эрх ашгийг тулгаж чаддаг тийм л сэргэлэн цовоо, зоригтой, нэр цэвэр улстөрч хэрэгтэй байна. Цаг нь ч болж.
Итгэлээ хүлээлгэж ээжүүдийн сэтгэлийн цагаан сүү, аавуудын амжилт хүссэн хулсан ташуураар урам авчихаад ингэж хугалахгүй ээ. Аймгийнхаа сонгогчдын өмнө хэлэх үг, хийсэн үйлдэлгүй Б.Чойжилсүрэн өнгөрсөнд хугацаанд яг юу хийв, ямар хууль санаачлав, хэдэн удаа хуралдаа суув гэдгийг эргээд нэг тунгаая. Улаанбаатар хотод чанартай, чанаргүй баахан барилга барьж, орон нутаг бүрт ухаж төнхөж уул уурхайн компани л байгуулсан байна. Ингэж явахдаа Тост, Тостын бумбын нуруу хэмээх “тос даасан” ашигтай газрыг яаж зүгээр орхихов, хамгийн том ашиглалтын лицензийг авчээ. Тиймдээ ч Ирвэс хамгаалах сангийн ажилтан Т.Лхагвасүмбэрэлийн үхэлд сэжиглэгдэж, барилга дээрээс унаж нас барсан түүн шиг олон сайхан залуусын хэрэгт буруутгагдсан. Мөнгө цагаан, нүд улаан гэгчээр ашиг л олохыг урьтал болгохоос хөдөлмөр хамгаалал, аюулгүй байдлыг хууль ёсны дагуу хэрэгжүүлээгүй байна.
Өдгөө Б.Чойжилсүрэн Увсаас дахиад сонгогдоно хэмээн дүрдээ итгэчихсэн яваа. Тиймдээ ч хэдэн төгрөг цацаад гараад ирчихнэ хэмээн бодож байгаа. Увсынхны сонголт, аймгийнхных нь итгэл ийм хямдхан байсан юм гэж үү.
Төгс
Ugluu.mn
