Рэнцэндорж овогтой Ононг Зам тээврийн яамны Авто замын бодлогын хэрэгжилтийг зохицуулах газрын даргаар ажиллаж нийтийн алба хаших үедээ хууль ёсны орлогоос гадна онц их хэмжээний эд хөрөнгө, орлого олж, хууль бусаар хөрөнгөжсөн гэмт хэрэгт холбогдуулан мөрдөн байцаалтын ажиллагаа явуулж байна.  Р.Ононг дээрх хэрэгт Эрүүгийн хуулийн 2701 дүгээр зүйлийн 2701.2-т зааснаар яллагдагчаар татлаа гэж Авлигатай тэмцэх газраас мэдээлсэн юм. 

Эх сурвалжийн мэдээлж байгаагаар Р.Онон нь Халзан бүргэдтэй-Солонготын даваа чиглэлийн зам барих хөрөнгөөс нууц компаниараа дамжуулан 200 сая төгрөг завшсан байж болзошгүй. 2009-2010 онд төсвийн 7.1 тэрбүм төгрөгийн өртгөөр дээрх замыг барьж эхэлсэн байдаг ч хөрөнгийн тодорхой хувь нь шалтгаангүйгээр алга болжээ. Тиймээс л мөрдөн шалгах ажиллагаа явагдаж, Зам тээврийн яамны Авто замын бодлогын хэрэгжилтийг зохицуулах газрын дарга асан Р.Онон уг хэрэгт холбогдоод байна. 

Амар