Казакстаны төр засаг хүн суурьшаагүй бүс нутгуудаа БНХАУ-ын талд удаан хугацаагаар түрээсэлж, ашиг олох шийдвэрийг дэмжсэний дараа ард иргэд нь хүчтэй эсэргүүцэл үзүүлж, олон нийтийн жагсаал зохион байгуулжээ. Орон нутгийн Эрх чөлөө радиогийн мэдээлснээр энэ сарын 21-ний өдөр Алма-Атагийн төв талбайд болсон иргэдийн эсэргүүцлийн жагсаалыг цагдаагийнхан тусгай хүчнийхэнтэй хамтран хүчээр тарааж, нухчин дарсан байна. Эх сурвалжийн дамжуулснаар газар нутгаа түрээслэхийг эсэргүүцэгсдийн жагсаалд 400-500 хүн оролцсоноос 40-50 хүнийг барьж, хорьжээ. Зарим хэвлэлийн дамжуулснаар ижил хэмжээний жагсаалыг Астана хотод бас зохион байгуулсан ч мөн л хууль хэрэгжүүлэгч байгууллагын баривчилгаагаар өндөрлөсөн байгаа юм.

С.Дамдин