Маргааш хүүхдийн баярын өдөр тохионо. Нийслэлийн Засаг даргын 2016 оны 5 дугаар сарын 2-ны өдрийн А/336 дугаар захирамжаар Олон улсын хүүхдийн эрхийг хамгаалах өдрийг 2016 оны 06 дугаар сарын 01-нд Чингис Хааны талбайд зохион байгуулж тэмдэглэхээр шийдвэрлээд байна.
Уг үйл ажиллагаатай холбоотойгоор хотын захын харъцангуй хүн амын төвлөрөл ихтэй 18 чиглэлээс Чингисийн талбай хүртэл нийтийн тээврийн үйлчилгээг хүүхэд багачууддаа зориулж үнэгүй явуулна.
Үүнд: Шархад Улиастай Сэлбэ Жанжин клуб Баянхошуу, Улаан чулуут, Орбит, Толгойт, Зүүн салаа, Зайсан, Нисэх, Яармаг, Баруунсалаа, Хайлааст, Чингэлтэй, 3,4-р хороолол, 5 шар, Офицеруудын ордон Дээрх чиглэлүүдээс нийтийн тээврийн тусгай чиглэлийн автобусууд өглөөний 08:00 цагт хөдөлж Чингисийн талбайд ирэх бөгөөд оройн хаалтын ажиллагааны дараа буюу 17:00 цагаас иргэдийг буцааж хүргэх үйлчилгээг зохион байгуулна.
Уг арга хэмжээний үеэр Чингис-ийн талбайн урд талын “Санктпетрбург”-ийн зогсоолоор хотын зүүн талын Шархад, Улиастай, Сэлбэ, Жанжин клуб, Офицеруудын ордон чиглэлийн 5 автобус, “Нийслэлийн Засаг даргын тамгын газрын байр”-ны өмнөх зогсоолоор урд болон баруун талын Зайсан, Нисэх, Яармаг, Баянхошуу, Улаан чулуут, Орбит, Толгойт, Зүүн салаа, 5 шар чиглэлийн 9 автобус, зүүн талын “Соёлын төв өргөө”-ний зогсоолоор хойд талын Хайлааст, Чингэлтэй, 3, 4-р хороолол, Баруунсалаа чиглэлийн 4 автобус тус тус үйлчилнэ.
О.Сайхан
