Британийн “ВВС” теле суваг ОХУ-ын Ерөнхийлөгч Владимир Путиныг мэдээлэл, биологийн дайн явуулах замаар Европын холбоог задлах, Европ дахь нөхцөл байдлыг тогтворгүйжүүлэхийг оролдож байна гэсэн нэвтрүүлэг бэлтгэжээ. Ингэхдээ Кремлийн зүгээс Европын холбоотой хамааралтай ямар нэгэн баримт нотолгоо гаргаж ирээгүй байна.
Өртэй орнууд, дүрвэгсэд, алан хядагчид. Европын холбоонд аюул заналхийлэл учруулж буй зүйлсийг жагсаалтад өөр юу багтаж байна вэ. Мэдээж ОХУ-ын Ерөнхийлөгч Владимир Путин. “ВВС”-гийн сэтгүүлчид ОХУ-ын төрийн тэргүүн Европын холбоог задлах гэж буй талаарх өөрсдийн таамаглалаа ийнхүү дэвшүүлжээ. “Владимир Путин мэдээлэл, биологийн дайн хийж байна. Түүнийг юунд буруутгаж байна вэ. Мэдээллийн дайнд. Кибер халдлагад. 2007 онд кибер халдлагаас болж Эстон хэмээх Балтын тэнгисийн жижигхэн орон хэчнээн цаг мэдээлэлгүй болсон. Үүнд ямар ч нотлох нотолгоо байхгүй. Иймэрхүү аргаар дайн явуулж байгааг батлах зүйл үгүй” хэмээн тус сувгийн материалд өгүүлжээ. “ВВС”-гийн анхааруулснаар Орос улс гибрид дайн өдөөж байгаа гэнэ. Үүнийг мэдэхийг хүсвэл аливаа асуудлыг цар хүрээтэйгээр харах хэрэгтэй гэж “RT” сануулсан байна. Тэд “Владимир Путин дэлхий ертөнцийг гибрид дайнаар тогтворгүйжүүлэхийг оролдож байна уу” гэж асуужээ. Гибрид дайн гэдэг нь шууд халдлага үйлдэхээс өөрөөр түрэмгийлэл үйлдэх хэлбэрийг хэлдэг аж. Путиныг ийм замаар дэлхий ертөнцийг ноёрхох өөрийн замыг засч байна гэж шүүмжлэгчид үзжээ. Ингээд түүнийг ямар асуудлуудад буруутгасныг хүргэе.
Цэргийн үйл ажиллагаанд оролцох далайн сүүн тэжээлтэн. ОХУ афалин далайн гахай тавыг худалдан авахад зориулж 25 мянган ам.доллар гаргахаар төлөвлөж байна. Эдгээрийг АНУ болон Европын холбооны хөлөг онгоцуудад тэсрэх төхөөрөмж суурилуулахад ашиглах гэж байгаа юм биш биз. Москва энэ асуудалд чимээгүй байна.
Харилцаа холбооны цамхгуудыг хорлон сүйтгэх. 2016 онд Шведэд телевизийн цамхаг унаснаас хойш 80 гаруй өрх айл хэдэн цагийн турш зурагтаа үзэж чадаагүй юм. Урьдчилсан дүгнэлтээр энэ нь Оросын хорлон сүйтгэгчдийн хийсэн ажил байсан гэнэ. Зарим нь үүнд Кремлийг буруутгаж байсан ч шууд баталж чадаагүй аж.
Нууц дайчдын бүлэглэл. ОХУ агшин зуур цэргийн бэлэн байдалд орох чадвартай унтаа үүрнүүдээс бүрдсэн арми бэлтгэхийн тулд Германд бие хамгаалах курс ажиллуулж байж болзошгүй. Энд оросууд тулааны урлагаар хичээллэж байгаа нь маргашгүй үнэн гэнэ. Гэхдээ тэднийг юунд бэлтгэж байна вэ. Ард түмний бослого, ардчилсан үйл явц алдагдахад уу, эсвэл ардчилсан бус үзэл санааг ухуулж сурталчлахад уу.
Канцлер Меркелийн эсрэг Кремлийн зэвсэг. Ийм зүйл байдаг гэж ярьцгаадаг аж. Гэвч үүнийг батлах зүйл гараагүй юм.
Эх сурвалж:
