МАХН-ын дарга Н.Энхбаяр Сонгинохайрхан дүүргийн 10, 11-р хорооны нутаг Баянхошуунд очиж сонгогч олон, намын гишүүд дэмжигчидтэйгээ уулзалт хийхдээ 2016 оны УИХ-ын сонгуулийн 73-р тойрогт МАХН-аас нэр дэвшигч Базаррагчаагийн Оюунбилэгийн сонгуулийн сурталчилгаанд оролцлоо. Халуун дулаан уур амьсгалд болсон уулзалтын үеэр Н.Энхбаяр дарга иргэдтэй чин сэтгэлийн яриа өрнүүлсэн юм. Тэрээр УИХ-д нэр дэвшигч Б. Оюунбилэг болон НИТХ-д нэр дэвшигч нарынхаа төлөө саналаа өгөхийг уриаллаа.
МАХН-ын дарга Н.Энхбаяр иргэдийн хамт Баянхошууны гудамж талбайгаар явж, МАХН-аас дэвшүүлж буй мөрийн хөтөлбөрөө танилцуулж иргэд хөдөлмөрчидтэй санал бодлоо солилцон хөөрөлдөв. Н.Энхбаяр Баянхошууны дэлгүүр мухлаг, хүнсний захаар орохдоо мах, сүү, гурил, будаа,жимс ногооны үнэ ханш ямар байгааг сонирхов.Түүнчлэн иргэдийн амьдрал ахуй хэр байгааг асууж саналаа солилцож явлаа.
УИХ-ын сонгуулийн 73 дугаар тойрогт нэр дэвшигч Б.Оюунбилэгийн сонгуулийн штаб
