Энэ мэдээ хуучирсан буюу 2021/10/30-нд нийтлэгдсэн мэдээ болно.

Дэлхийн Хоёрдугаар дайнаас хойш ОХУ-д хамгийн олон хүн нас барсан есдүгээр сар болж өнгөрчээ

Баасан гарагт ОХУ-ын Холбооны Статистикийн Алба коронавирусийн цар тахалтай холбоотой тоо баримтыг шинэчлэн танилцуулжээ.

Уг тайланд өгүүлснээр өнгөрсөн есдүгээр сард ОХУ даяар 44,265 хүн Covid-19 өвчний хүндрэлээр нас барсан байна. Тодруулбал өнгөрсөн сар нь Дэлхийн Хоёрдугаар дайнаас хойш ОХУ-д хамгийн олон хүн нас барсан есдүгээр сар болжээ.

Цар тахал эхэлсэн цагаас хойш коронавирусийн халдвараар нас барсан хүний тоо нийтдээ 231 мянга хүрсэн нь Европ тивийн орнуудаас хамгийн муу үзүүлэлт болоод байна.

Коронавирусийн халдвар тархалтыг бууруулах зорилгоор өнөөдрөөс эхлэн ОХУ даяар хоёр долоо хоногийн хөл хорио зарлаж байгаа. Арваннэгдүгээр сарын 7-ны өдөр хүртэл тус улсын ихэнх албан байгууллагууд ажиллахгүй, дэлгүүр үйлчилгээний газрууд хаалгаа барьж, иргэд гэртээ сууцгаах юм.

Коронавирусийн эндэгдэлтэй холбоотойгоор Оросын хүн амын дундаж наслалт сүүлийн 18 сарын хугацаанд таван жилээр хорогдож, 69 орчимд хүрсэн тухай статистикийн мэргэжилтнүүд мэдээлжээ.

Өвчлөл, нас баралт нэмэгдсэн нь сүүлийн үед вакцинжуулалтад хамрагдах хүмүүсийн тоог нэмэгдүүлсэн байна. “Covid-19 өвчний улмаас хүн амын дунд нас баралт нэмэгдэж байгаа нь санаа зовоож байна. Вакцинжуулалтын хурд бага багаар нэмэгдэж байгаа ч хангалттай түвшинд хүрэх болоогүй байна” гэж ОХУ-ын шадар сайд, цар тахалтай тэмцэх хорооны тэргүүн Татьяна Голикова өнгөрсөн долоо хоногт болсон засгийн газрын хуралдааны үеэр мэдэгдэж байв.

Сүүлийн байдлаар ОХУ-ын хүн амын 32.7 хувь буюу 47.1 сая хүн коронавирусийн эсрэг вакцины бүрэн тунд хамрагджээ.

Эх сурвалж: Bloomberg

ХАН-УУЛ ДҮҮРЭГ “ГОЁЛЫН МОДНЫ ТӨГӨЛ”-ТЭЙ БОЛОВ
ХАН-УУЛ ДҮҮРЭГ “ГОЁЛЫН МОДНЫ ТӨГӨЛ”-ТЭЙ БОЛОВ
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2021/10/30-нд нийтлэгдсэн мэдээ болно.