Энэ мэдээ хуучирсан буюу 2023/03/27-нд нийтлэгдсэн мэдээ болно.

Финланд улс гадаадын 10 хүний бүх зардлыг даан “аз жаргалтай амьдрах” ухаанаа зааж сургана

Энэ долоо хоногт танилцуулагдсан “World Happiness Report 2023” тайланд Финланд улс дэлхийн хамгийн аз жаргалтай орноор зургаа дахь удаагаа шалгарсан билээ.

Тэгвэл энэ амжилтыг зарласны дараа Финландын аялал жуулчлалыг дэмжих “Visit Finland” байгууллага гадаад улс орнуудын 10 иргэнд аз жаргалын хичээл заахаар болсон тухай мэдээ хэвлэлүүдээр цацагдаж эхэлжээ.

“Masterclass of Happiness” нэртэй энэ хөтөлбөрт хамрагдсан хүмүүс ирэх зургаадугаар сард Финландын үзэсгэлэнт байгальтай Куру амралтын газарт дөрвөн өдөр байрлаж, финчүүдийн аз жаргалын нууцад суралцах гэнэ.

Шалгарсан 10 хүний бүх зардлыг Финландын засгийн газар хариуцах юм.

Дөрөвдүгээр сарын 2-ны өдрийг хүртэл хүмүүсээс онлайнаар өргөдөл хүлээж авах бөгөөд үүнд Instagram Reel, TikTok ашиглан яагаад өөрийнхөө дотор “нууцлаг финланд чанар нуугдаж байгаа” гэж боддогоо тайлбарлах даалгавар багтсан байна.

Финландын аз жаргалын нууц нь “байгаль дэлхийд ойр, энгийн даруу амьдрах арга ухаан юм. Хөтөлбөрийн зорилго нь үүнийг зааж сургах” гэж Финландын засгийн газрын “Business Finland” байгууллагын захирал Хэли Хименез тайлбарлажээ.

Эх сурвалж: Business Insider

Ерөнхийлөгч “Тэрбум мод“ хөтөлбөртэй уялдсан “Цэнхэр алт“ чуулган зохион байгуулав
Ерөнхийлөгч “Тэрбум мод“ хөтөлбөртэй уялдсан “Цэнхэр алт“ чуулган зохион байгуулав
 
СЕХ: Гадаадад байгаа иргэд санал өгөхөө Дипломат төлөөлөгчийн газартаа мэдэгдэнэ
СЕХ: Гадаадад байгаа иргэд санал өгөхөө Дипломат төлөөлөгчийн газартаа мэдэгдэнэ
Энэ мэдээ хуучирсан буюу 2023/03/27-нд нийтлэгдсэн мэдээ болно.