Ардчилсан намын удирдлагууд 2024 оны сонгуульд өрсөлдөх нэр дэвшигчдийг тодруулахдаа намын анхан шатны гишүүдийн саналыг сонсохыг шаардлаа. Ардчилсан нам сүүлийн 8 жил сөрөг хүчний үүргээ гүйцэтгэж чадсангүй. Иймд Ардчилсан намыг зарж ял наймаалцдаг улс төрчдийг намын жагсаалтын ард нууж, 2024 оны УИХ-ын ээлжит сонгуульд нэр дэвшүүлэх нь ёс зүйгүй үйлдэл гэж үзэж буйгаа илэрхийлэв.

АН- ын гишүүн Г.Хажидмаа “Ардчилсан намын дэргэдэх эмэгтэйчүүдийн холбоог мөнгөн бороо оруулж, худалдаж авсан УИХ-ын гишүүн С.Одонтуяа, аавтайгаа нийлж Хөгжлийн банкийг дампууруулсан Б.Жаргалан нарыг намын жагсаалтаар нэр дэвшүүлж болохгүй. Өнөөдөр С.Баярцогт, Л.Гантөмөр нар МАН-ынхантай ял наймаалцаж байна. С.Эрдэнэ маш олон залуучуудаас сонгуульд нэр дэвшүүлнэ гээд 100 сая төгрөг авсан. Одоо ч мөнгийг нь өгөөгүй. Ардчилсан залуучуудын холбоог “Женко” Х.Баттулга мөнгөн бороо оруулж худалдаж авлаа. Х.Баттулга, З.Энхболд, С.Баярцогт, С.Эрдэнэ, С.Одонтуяа нар болон эдний тойрон хүрээлэгч хамсаатнууд намын жагсаалтын ард нуугдалгүй тойрогт очиж нэр дэвш гэж ардчилсан намын жирийн гишүүний хувиар шаардаж байна” гэв.