Билгийн тооллын 23, Ангараг гараг. Хаврын дунд улаагчин туулай сарын 8 цагаан мэнгэтэй, ус суудалтай, үхэхийн барилдлагатай, хурьцахуйн шүтэн барилдлагатай, суулга одтой улаан бич өдөр. Өдрийн наран 06.28 цагт мандаж, 19.23 цагт жаргана. Өдрийн сайн цаг: хулгана(23.40-01.40), үхэр(01.40-03.40), луу(07.40-09.40), могой(09.40-11.40), хонь(13.40-15.40), нохой(19.40-21.40) болой. Үс шинээр үргээлгэх буюу засуулбал эд, эдлэл, идээ, ундаа олно. Хол газар яваар одогсод зүүн зүгт мөрөө гаргавал зохистой.

Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу.