Д.Амарбаясгалан: Ирэх жил 1072 ширхэг хувьцаатай иргэн 400-500 мянган төгрөгийн ногдол ашиг хүртэх боломжтой

Монгол Ардын Намын Ерөнхий Нарийн бичгийн дарга, Монгол Улсын сайд, ЗГХЭГ-ын дарга Д.Амарбаясгалан МҮОНРТ-ийн “Цаг үе, үзэл бодол” нэвтрүүлгийн өчигдрийн /2024-04-16/ дугаарт оролцлоо. Энэ үеэр “Эрдэнэс Тавантолгой” компанийн 1072 хувьцаа эзэмшигч иргэн бүрт ногдол ашиг хүртээж байгаа талаар онцолж ярив.

“Эрдэнэс Тавантолгой” компани 2022 онд 1.3 их наяд орчим төгрөгийн ашигтай ажилласан байна. Мөн 2023 онд 3.2 их наядын ашигтай ажилласан учраас хувьцаа эзэмшигч иргэн бүрт ногдол ашиг хүртээх талаар хөндсөн. Ингэхдээ Засгийн газраас 1072 хувьцааг энгийн төрлийн хувьцаа гэж шийдээд эзэмшигч нь ногдол ашиг тогтмол хүртэж байхаар зохицуулсан юм.

Зөвхөн 2012 оны дөрөвдүгээр сарын 11-нээс өмнө төрсөн хүмүүс 1072 хувьцаа эзэмших эрхтэй байсан бол 2023 оны арванхоёрдугаар сарын 31-нээс өмнө төрсөн Монголын бүх иргэн 1072 ширхэг хувьцааг эзэмших эрхтэй болсон.

“Эрдэнэс Тавантолгой” компани 2023 онд 36 сая тонн нүүрс экспортод гаргасан бол 2024 онд 45 сая тонн нүүрс экспортод гаргах төлөвлөгөөтэй ажиллаж байгаа талаар Монгол Ардын Намын Ерөнхий Нарийн бичгийн дарга, Монгол Улсын сайд, ЗГХЭГ-ын дарга Д.Амарбаясгалан онцлов. Тэрээр “Хэрэв энэ төлөвлөгөөгөө хангаж чадвал ирэх жил 1072 ширхэг хувьцаа эзэмшиж буй 1 иргэнд очих ногдол ашиг нь 400-500 мянган төгрөгт хүрэх боломжтой гэж Засгийн газар үзэж байгаа” гэв.

“Шинэ цирк “NBA 2024”-ийн стандартаар тун удахгүй монголчуудаараа нээлт хийнэ“
“Шинэ цирк “NBA 2024”-ийн стандартаар тун удахгүй монголчуудаараа нээлт хийнэ“
 
Сонгон шалгаруулалтын зарыг сунгаж байна
Сонгон шалгаруулалтын зарыг сунгаж байна
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!