Эдийн засгийн бодлого, өрсөлдөх чадварын судалгааны төвөөс өнөөдөр “Аймгуудын өрсөлдөх чадвар-2023” үзүүлэлтийг танилцууллаа. Энэхүү үзүүлэлтээр аймгуудын өрсөлдөх чадвараар Орхон тэргүүлж, Завхан, Говь-Алтай аймгууд сүүл мушгисан байна. Монгол Улсын 21 аймгийн хөгжлийг үнэлэхдээ эдийн засгийн тамир тэнхээ, засаглалын үр ашиг, бизнесийн ашигт ажиллагаа, дэд бүтэц гэсэн үндсэн үзүүлэлтийг гол болгодог билээ.

Аймгуудын өрсөлдөх чадварын судалгааны тайлан нь Монгол Улсын 21 аймгийн өрсөлдөх чадвар хөгжлийн төвшинг цогц байдлаар судалдаг. Энэ жил 12 дахь жилдээ тасралтгүй танилцуулагдаж байна. Тухайн аймаг бүрээр, он цаг хугацааны хувьд хөгжлийн төвшинг харьцуулан үнэлэх боломжтой судалгаа юм. Сүүлийн хоёр жилд ерөнхий үнэлгээгээрээ нэгдүгээрт эрэмбэлэгдэж байсан Дорноговь аймгийн хувьд нэг эрэмбэ ухарч, хоёрдугаарт эрэмбэлэгдсэн. Харин Дархан-Уул, Өмнөговь, Говьсүмбэр, аймгууд 3, 4, 5 дугаарт эрэмбэлэгдсэн байна.

Уг нь Говь-Алтай, Завхан аймгаас сонгогдсон түшээд тойрогтоо байнга л ажиллаж байдаг. Энэ утгаараа бол Ц.Цэрэнпунцаг, Б.Баярсайхан нарын сонгогдсон тойрог Монгол Улсад нэгдүгээрт жагсах ёстой л доо. Тэгэхээр эрхэм хоёр гишүүн өөрсдийгөө сурталчлах гэж л явдаг бололтой. Говь-Алтай аймгийн хувьд аанай л сүүл мушгиж ирсэн аймгуудын нэг. Харин тус тойргоо сонгогдсон хоёр гишүүнийг улс төрийн зорилгоор хэрэгт татаж, хэргээр ажлыг хийлгээгүй учраас ийм байдалд хүрэх нь аргагүй хэмээн сонгогч олон дүгнэж байна. Тэгэхээр Завханы хоёрт ямар нэгэн татагдах зүйл байгаагүй ч сүүл мушгиж байна.