ШИНЭХЭН МАФИЗМ Б.ЖАВХЛАНГИЙН СҮЛЖЭЭ ӨРГӨЖИХ БОЛОЛТОЙ

Улаанбаатар төмөр замын Тээвэр зохицуулалтын газрын орлогч дарга С.Батдөлийн гэрээс 7.3 тэрбум төгрөг илэрч, иргэд олон нийт ажил алба эрхлээд удаагүй, ямар нэг бизнесгүй хурган даргын гэрээс олон тэрбум төгрөг гарч ирнэ гэдэг цаана нь маш том сүлжээ бий хэмээж байсан. Тэгвэл хурган даргын гэрээс олдсон мөнгөний цаана Сангийн сайд Б.Жавхлан, “Улаанбаатар” төмөр замын дарга Х.Хэрлэн нар томоохон эрх мэдэлтний дэмжлэгтэй байж болзошгүй гэх хардлага өдгөө ч олны дунд байсаар байна.

Тэдний таамаглаж байгаагаар Б.Жавхлан үүрэгдэж, Х.Хэрлэнгийн томилсоноор С.Батдөл Дарханы төмөр замын өртөөнөөс “Улаанбаатар” төмөр замын Удирдахын хөдөлгөөн хариуцсан албаны даргаар ирсэн даруйд Чойр, Мааньт өртөөнөөс нүүрс тээврийг зохион байгуулж байсан. Мөн Б.Жавхлан Дархан дахь өөрийн мэдлийн “DBS” телевизийн захирал Н.Энхтунгалагийн нэр дээр БНХАУ-ын эдийн засгийн тусгай бүс Хонгконгт оффшор "Вагон Импекс" компани байгуулсан бөгөөд түүгээрээ мөнгө угааж, 250 ширхэг тавцан вагон оруулж ирсэн, үүний зөвшөөрлийг Х.Хэрлэн дарга өгсөн гэх хардлага бий. Энэхүү 250 опентоп тавцан вагон нь нэг сард тус бүр 4-5 удаа эргэдэг гэхээр С.Батдөлийн гэрээс олдсон мөнгө хэнийх вэ гэж хардах нь зүйн хэрэг. Гэхдээ энэ мөнгө өчүүхэн хэсэг нь байх.

Ийнхүү цар тахал, хилийн хориг далимдуулан, мөнгө хүүдийлж байсан Б.Жавхлангийн ажиллагаа өргөжиж, Таван толгой-Зүүнбаян чиглэлийн төмөр замаар БНХАУ-руу нүүрс гаргах төлөвлөгөө боловсруулсан аж. Ингэхдээ өөрийн хамаарал бүхий этгээд болох З.Бат-Үнэнгийн эзэмшил газарт Х.Энхжаргалын нэр дээр “Чин засагт” компани байгуулан, Замын-Үүд өртөөний сэлгээний замыг 1.2 километрээр өргөтгөн, түүнээсээ хоёр километр орчим салаалсан зам барьж, өөрсдийн гэсэн нүүрс ачиж буулгах талбайг байгуулжээ. Нийт 3.5 километр төмөр замын үнэлгээ нэг километр тутамд хоёр сая ам.доллар гэж бодохоор нийт үнэ нь долоон сая ам.доллар орчим болно. Энэхүү зам нь аюулгүй ажиллагааны дүрэм журам зөрчин баригдсан нь хэн нэгэн эрх мэдэлтэн, бүлэглэлийнх гэдгийг илтгэнэ. Ингэхдээ 50 гаруй тусгай зөвшөөрөл лиценз, зураг төслийг гажуудуулжээ.

Энэ мэтээр Б.Жавхлан нарын мөнгийг угааж, нууж байсан С.Батдөл шоронд орж, асуудал нь дуусаагүй байхад дараагийн томилгоо хийгдсэн гэх хардлага одооч байсаар байна. Тодотговол, тэрбээр Дархан-Уул аймгийн 10 жилийн сургуулийн нэг ангийн найз Д.Баярбатыг уулын баяжуулах “Эрдэнэт” үйлдвэрийн Санхүү, хөрөнгө оруулалтын газрын даргаар томилуулсан байдаг. Д.Баярбат нь түүний итгэлт нөхөр бөгөөд сонгуульд нь манлайлан оролцогчдын нэг аж.

Тиймдээ ч “Монгол росцветмент”-ийн Ерөнхий нягтлан бодогч, “Эрдэнэс Монгол” компанийн Санхүү хариуцсан дэд захирал зэрэг албаар шагнуулан дэвшсэн бөгөөд өдгөө “Эрдэнэс силвер”-ын ТУЗ-ийн даргын албыг давхар хашдаг байна. Эндээс харахад Сангийн сайд маань хаана хөрөнгө мөнгөтэй газар байна тэнд танил тал, ахан дүүс, анд нараа томилж, мөнгө угаах сүлжээ үүсгэсэн гэж болохоор. Цаг цагийн бүлэглэл “Эрдэнэт” үйлдвэр, “Эрдэнэс Таван толгой”, “Монгол росцветмент” гэх мэт хөрөнгөлөг ашигтай газарт санаархаж, өөрийн хүмүүсээ байршуулж ирсэн түүхтэй. Б.Жавхлан ч энэ замаар явж байгааг дээрх жишээнүүд хэлж өгнө.

Дашрамд дурдахад улс төр, бизнесийн бүлэглэл сүүлийн гучаад жил монголчуудыг “дээрэмдэж” эцэст нь өнөөдрийн ядуурал хоосролд авчирсан гэдэгтэй маргах хэрэггүй. Өдгөө энэ бүлэглэлийн гар хөлийг тасдах замаар тэмцэж байгаа ч ахиад шинэ тутам “Б.Жавхлангийн бүлэглэл” гэгч лут том мафи бий болжээ гэж харахаар. Эртнээс л Сангийн сайдад холбогдох томилгоо, түүнийг дагасан мөнгөний баримтууд ил болж, баримтыг хөөхөөр яаран дарагдахгүй байгаа нь мафийн сүлжээнд нэгэнт орсон нь харагдана. Энэхүү сүлжээ үнэн болоод цааш явахаар нэлээд өргөн болохоор байна.

“Биологийн олон янз байдал“ миний дуранд гэрэл зургийн уралдан зарлалаа
“Биологийн олон янз байдал“ миний дуранд гэрэл зургийн уралдан зарлалаа
 
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа
Нэр дэвшигч Б.Цогтгэрэл Сэлэнгэ аймгийн Мандал сумын Ган замчидтайгаа уулзалт хийж, мөрийн хөтөлбөрөө танилцууллаа