ЦЕГ-аас автомашины жолоодох эрхийн үнэмлэхийг хэвлэн гаргадаг, киоск машин байрлууж эхэлжээ. Одоогоор БЗД-ийн Тэнгэр плазад эхний туршилтын киоскыг байрлуулсан байна.

Иргэд биеэр болон "И-Монголиа"-аар жолооны үнэмлэхээ захиалаад 14-21 хоног хүлээдэг байсан. Харин одоо хурдан шуурхай, газар дээр нь хэвлэж гаргадаг киоск машин үйлчилгээнд нэвтэрсэн байна. Энэхүү киоск машинаар жолооны үнэмлэхээ сунгах, хаяж үргэдүүлсэн бол дахин захиалах гэх мэт үйлчилгээ авч болох бөгөөд удахгүй киоск машины тоог олшруулах юм байна.

Энэхүү үйлчилгээ нэвтэрснээр иргэд өөрийн биеэр болон "И-Монголиа" ашиглан үнэмлэх захиалж, хоног хугацаа алдахгүй бөгөөд цаг заваа хөнгөвчлөх юм. Киоск машины ажиллах горимын талаар бид дэлгэрэнгүй эргэн мэдээлэх болно.