Сайн мэдээ байна. Монгол Улсын Их хурлын 2024 оны сонгуульд гадаад улсад байгаа сонгогчдын бүртгэл нэмэгджээ. Тоон үзүүлэлтийг тодруулж бичье.
2024 оны 5 дугаар сарын 28-ны өдрийн мэдээллээр 31 улсад 2459 сонгогч бүртгүүлж байсан бол, өнөөдрийн байдлаар 2024 оны 6 дугаар сарын 17-ны өдрөөр 34 улсад нийт 13200 сонгогчид сонгуульд оролцохоор албан ёсны бүртгэлээ хийлгэжээ. Эдгээр сонгогчийн тоог Улсын бүртгэлийн ерөнхий газрын нэрсийн жагсаалттай тулгаж, эцэслэхээр одоо ажиллаж байгаа аж. Өнгөрсөн өдрүүдэд сонгогчдын тоо болон улс орнуудын тоо ч нэмэгдсэн нь гадаад улсад байгаа монгол иргэд энэ удаагийн их хурлын сонгуульд идэвхтэй оролцож, дуу хоолойгоо хүчтэй нийлүүлэх нь.
Одоо саналаа хэрхэн өгөх талаар товчлон хүргэе.
- Монгол Улсын Дипломат төлөөлөгчийн газар буюу Элчин сайдын яам, Ерөнхий консулын газар, Консулын газарт 2024 оны 6 дугаар сарын 15- ны өдрөөс өмнө оролцохоо мэдэгдэж, заавал бүртгүүлсэн байх ёстой.
- Санал авах байранд иргэний үнэмлэх эсвэл гадаад паспортаа авчирч санал өгнө.
- Саналыг тухайн улсын цагаар 07:00-22: 00 цагийн хооронд өөрийн харьяа Дипломат төлөөлөгчийн газарт авна
- Гадаад улсад байгаа иргэдээс саналыг 2024 оны 6 дугаар сарын 20-ны өдрөөс 2024 оны 6 дугаар сарын 23- ны өдрүүдийн хооронд авна.
- Та саналаа биечлэн өгөх шаардлагатай.
Жич: Цахимаар өгөхгүй. Цахимаар бүртгэлийн үйл ажиллагаа явагдсан.
Та бүртгэлээ амжилттай өгсөн нь эх орныхоо төлөө сэтгэл чилээж байгаа гэсэн үг. Харин одоо СОНГОГЧ ТА хүрэлцэн ирж САНАЛАА БАТАЛГААЖУУЛААРАЙ.
МОНГОЛ ТӨР ТАНИАР ДУТНА.
Япон улс.
Осака хот.
2024. 06.17 өдөр
