МАН-ын бүлгийн хуралдаанаар Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төсөл, Монгол Улсад агаарын хөлгийн түлш нийлүүлэх тухай Монгол Улсын Засгийн газар болон ОХУ-ын Засгийн газар хоорондын хэлэлцээрийн төсөл, Гаалийн албан татвараас чөлөөлөх тухай хууль хүчингүй болсонд тооцох тухай хуулийн төслийн танилцуулга /гурилын импортын гаалийн татвар/, Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлийн хуулийн төслийн танилцуулга зэрэг 7 асуудлыг хэлэлцэж, шийдвэр гаргаж байгаа аж.

Мөн тус хуралдаанд Ерөнхий сайд Л. Оюун-Эрдэнэ оролцжээ. Энэ үеэр УИХ-ын гишүүн Б.Энхбаяр, Ерөнхий сайд Л.Оюун-Эрдэнийг шүүмжилж, маргаан болсон талаар эх сурвалж мэдээлэв.

Тодруулбал, УИХ-ын гишүүн Б.Энхбаяр “Ах, дүү хоёрын хоршил энэ улсыг сүйрүүллээ. Аятайхан байгаарай, энэ улс та хоёрын жүжгийн тайз биш, ард түмэн үзэгчид биш. Женко та хоёр хэтрээд байгаа шүү” гэжээ. Харин Ерөнхий сайд Л.Оюун-Эрдэнэ “Энхбаяраа, би чамайг хэнтэй нийлчхээд юу хийгээд яваад байгааг мэднэ шүү” гэсэн байна. Б.Энхбаяр гишүүний тухайд Сангийн сайд Б.Жавхланг хоригдол найзаа амралтанд амраадаг талаар шүгэл үлээсний дараа “Женкогийн гар, хөлүүдийг бүх албан тушаалд томилж байна. Женкогийн Засгийн газар болсонд зэвүү хүрч байна” зэргээр мэдээлэл хийсэн билээ.