2025 оны тавдугаар сарын 6-16-ны өдрүүдэд АНЭУ-ын Аль-Айн хотноо үргэлжилсэн Ази тивийн аварга шалгаруулах тэмцээн болж байгаа билээ. Тус тэмцээний эмэгтэй ангилалд Монгол улс, Үндэсний шигшээ багийн тамирчин эФДМ Б.Мөнгөнзул есөн өргөөс долоон оноотой 1-4-р байрт оноо тэнцэн, чанарын үзүүлэлтээр Ази тивийн дэд аварга боллоо.

Ингэснээр “Дэлхийн цом”-ын тэмцээнд оролцох эрхээ өвөртөлж байна. Энэхүү түүхэн амжилтаараа эмэгтэй Их мастер (WGM) цолны нэг норм болон эмэгтэй Олон улсын мастер (WIM) цолны болзол шууд биелүүлэхийн зэрэгцээ олон улсын чансаагаа +42,8 дүнгээр нэмэгдүүлж байна.