Монгол Улсын Засгийн газрын гишүүн, Зам, тээврийн сайд Б.Дэлгэрсайханы Япон Улсад хийж буй албан айлчлал үргэлжилж байна.

Айлчлалын хүрээнд Монгол Улсын зам тээврийн салбарын дэд бүтэц, тээвэр логистикийг хөгжүүлэх, томоохон төслүүдэд хамтран ажиллах боломжуудыг хэлэлцэх ажил хэргийн уулзалтуудыг хийж байна.

Зам, тээврийн сайд Б.Дэлгэрсайхан өнөөдөр (2026.02.05) Япон улсын Мицубиши Корпорацийн байранд зочилж, Аж үйлдвэрлэл машин механизмын газрын Масанори Кохама, Тээвэр, дэд бүтцийн газрын дарга Наосуми Нагамицу тэргүүтэй төлөөлөгчидтэй уулзлаа.

Талууд энэхүү уулзалтаар Монгол Улсын тээврийн салбарын хөгжил, бүс нутгийн дэд бүтцийг хөгжүүлэх чиглэлд хэрэгжих төсөл хөтөлбөрүүдийн талаар өргөн хүрээтэй санал солилцлоо. Тэр дундаа “Чингис хаан” олон улсын нисэх онгоцны буудлын одоогийн үйл ажиллагаа болон нисэх буудлыг өргөтгөх, хүчин чадлыг нэмэгдүүлэх хүрээнд хийгдэж буй бэлтгэл ажлыг эрчимжүүлэх, бүтээн байгуулалтын ажлыг эрт эхлүүлэх тухай асуудлаар өргөн хүрээтэй хэлэлцлээ.

Уулзалтад Зам, тээврийн сайд Б.Дэлгэрсайхан болон Монгол Улсаас Япон Улсад суугаа Онц бөгөөд Бүрэн ЭрхтЭлчин сайд Б.Баярсайхан, Япон Улсад суугаа Элчин сайдыняамны зөвлөх Ө.Мөнхбат, холбогдох албаныхан оролцлоо.