Нийслэлийн иргэдийн төлөөлөгчдийн хурлын дарга А.Баяр есөн дүүргийн ИТХ-ын дарга нартай цахим хурал хийж, сар шинийн баярыг угтан хот даяар “Хашаагаа нээе” санаачилгыг хэрэгжүүлэхийг уриалсан байдаг. Тэрбээр дүүрэг бүр өөрийн нутаг дэвсгэрт үйл ажиллагаа явуулж буй аж ахуйн нэгж, төрийн байгууллага, айл өрхүүдийг хашаа, зогсоолоо нээлттэй байлгаж, иргэдийн зорчих хөдөлгөөнийг саадгүй болгох замаар баярын өдрүүдэд үүсдэг замын түгжрэлийг бууруулахад идэвхтэй оролцохыг хүссэн байна.

Тус уриалгыг Нийслэлийн төрийн өмчийн эмнэлэг, сургууль, цэцэрлэг, Цагдаагийн байгууллагууд бүгд нэгдэж зогсоолд автомашинаа тавих боломжийг бүрдүүлж зохицуулалт хийж байна.