Монгол Улсын нийгэм, эдийн засгийн 2026 оны 1 дүгээр сарын гүйцэтгэлийг Үндэсний статистикийн хорооны Олон нийттэй харилцах хэлтсийн дарга Д.Баасан танилцуулав.

Тэрбээр, Улсын хэмжээнд импорт 12.6 хувиар буурсан. Суудлын автомашины импорт 73.1 сая ам.доллар буюу 52.5 хувиар, тоо хэмжээгээр авч үзвэл 9900 ширхгээр буурсан байна.



Ачааны автомашины импорт 36.1 сая ам.доллар буюу 61.2 хувиар, тоо хэмжээгээр авч үзвэл 1300-гаар буурсан.

Мөн тээврийн хэрэгслийн сэлбэг эд анги 52.5 сая ам.доллар буюу 69.1 хувиар буурсан нь импорт буурахад голлон нөлөөлсөн гэв.

Импортолсон улсаар авч үзвэл:

• БНХАУ-аас импортолсон бараа 37.1 хувь
• ОХУ-аас импортолсон бараа 31.1 хувь
• Япон улсаас импортолсон бараа 8.9 хувь
• БНСУ-аас импортолсон бараа 2.7 хувь
• ХБНГУ-аас импортолсон бараа 2.8 хувь
• БНЭУ-аас импортолсон бараа 2.2 хувийг эзэлж, нийт импортын 84.9 хувийг бүрдүүлж байна.