Эрүүл мэндийн даатгалын ерөнхий газраас энэ оны I улиралд олгосон (01.01-03.31) санхүүжилтийн мэдээллийг танилцуулж байна. Дээрх хугацаанд ЭМД-ын сангаас 609,6 тэрбум төгрөгийг 2300 гаруй гэрээт эрүүл мэндийн байгууллагад шилжүүллээ. Тухайлбал,

• Төрийн өмчийн 83 байгууллагад 384.1 тэрбум төгрөг
• Хувийн хэвшлийн 243 эмнэлэгт 33.5 тэрбум төгрөг
• 1450 Эмийн сангийн хөнгөлөлттэй эмийн үйлчилгээнд 56.9 тэрбум төгрөг
• Өрхийн эрүүл мэндийн 225 төвд 38.4 тэрбум төгрөг
• Сумын эрүүл мэндийн төвийн 329 байгууллагад 96.3 тэрбум төгрөг.
• 8 сувилалд 147 сая төгрөг тус бүр олгожээ.

ЭМД – СТАТИСТИК МЭДЭЭЛЭЛ (2026 оны 2 дугаар сар)
Эрүүл мэндийн даатгалын шимтгэлийг нь төрөөс хариуцан төлдөг 0–18 насны хүүхэд, тэтгэврээс өөр мөнгөн орлогогүй иргэн, хүүхдээ асарч буй эх (эцэг), нийгмийн халамжийн дэмжлэг зайлшгүй шаардлагатай иргэдийн шимтгэл төлөлтийн хамрагдалт болон авсан тусламж, үйлчилгээний талаарх мэдээллийг танилцуулж байна.

👶 0–18 насны хүүхэд:
Тухайн сард 1,355,876 хүүхдийн шимтгэл болох 21.4 тэрбум төгрөгийг төрөөс даатгалын санд шилжүүлсэн бол, 206,146 тохиолдлын тусламж, үйлчилгээнд 19,4 тэрбум төгрөгийг ЭМД-ын сангаас гэрээт эрүүл мэндийн байгууллагуудад олголоо.

👵 Тэтгэврээс өөр мөнгөн орлогогүй иргэд:
562,857 иргэний 8.9 тэрбум төгрөгийн шимтгэлийг төрөөс даатгалын санд төвлөрүүлж, тухайн бүлгийн иргэдийн авсан тусламж, үйлчилгээний зардалд 35.8 тэрбум төгрөгийг ЭМД-ын сангаас санхүүжүүллээ.

🤝 Нийгмийн халамжийн дэмжлэг зайлшгүй шаардлагатай иргэд:
369,294 иргэний шимтгэлд 5,8 тэрбум төгрөгийг төрөөс хариуцаж, тухайн иргэдийн авсан 78,455 тохиолдлын тусламж, үйлчилгээнд 8,2 тэрбум төгрөгийг даатгалын сангаас гэрээт байгууллагуудад шилжүүллээ.

👩👧 Хүүхдээ асарч буй эх (эцэг):
84,784 иргэний 1.3 тэрбум төгрөгийн шимтгэлийг төрөөс хариуцан санд төвлөрүүлсэн бол 28,915 тохиолдлын авсан тусламж, үйлчилгээний зардалд 6,1 тэрбум төгрөгийг ЭМД-ын сангаас зарцууллаа.