“Исламын улс” бүлэглэлийн дайчид тэдний барьцаанд байсан Йорданы нисэх хүчний нисгэгч Муаз аль-Касасбаг амьдаар нь шатааж буй бичлэгээ цахим ертөнцөд байршуулжээ.

Исламистуудын интернэтэд байршуулсан уг бичлэгт Моаз аль-Касаcби төмөр торонд цоожилогдсон, шатаж буй нь харагдах аж.

Йорданы эрх баригчид нисгэгчийн үхлийн талаарх мэдээллийг баталсан юм.

Түүнчлэн тус улсын Зэвсэгт хүчнээс гаргасан албан ёсны мэдэгдэлд “Йорданы Зэвсэгт хүчний нисгэгч Муаз Юсеф аль-Касасба нэгдүгээр сарын 3-нд баатарлагаар амиа алдлаа” гэж мэдээлжээ.

Йорданы эрх баригчид энэхүү гэмт хэргийг үйлдсэн алуурчдад хариуцлага үүрүүлэхээ мэдэгдсэн байна.

Муаз Юсеф аль-Касасба

Йорданы нисгэгч өнгөрсөн арванхоёрдугаар сард Сирийн Ракка хотод алан хядагчдын эсрэг цэргийн ажиллагаанд оролцож байхдаа түүний унаж явсан онгоц алан хядагчдын цохилтод өртөн, улмаар тэдэнд барьцаалагджээ.

Йорданы эрх баригчид түүнийг суллахын тулд "Исламын улс"-тай хэлэлцээ хийсэн ч амжилтад хүрч чадаагүй байна.

Эх сурвалж: Zaluu.com