УИХ-ын гишүүн Ж.Батзандан Сонгуулийн тухай хуулийн ажлын хэсгийн ахлагчаар ажиллаж байгаа. Түүнээс зарим зүйлийг тодрууллаа.
-Сонгуулийн хуулийн ажлын хэсгийг ахлах болсноос хойш хуралдсан уу?
-Сонгуулийн хуулийн ажлын хэсэг хэд хэдэн удаа хуралдсан. Энэ хуулийн төслийг гаргах зайлшгүй шаардлага хэрэгтэй гэдэгт улс төрийн намууд нэгдсэн ойлголтод хүрсэн. Хуулийн төслийн ажлын хэсгийн хуралдааныг уржигдар зарласан боловч гишүүдийн олонхи нь гадаадад болон орон нутагт ажиллаж байгаа гэсэн шалтгаанаар хуралдааны ирц бүрдсэнгүй. Гэхдээ бид процессын асуудалд ойлголцолд хүрсэн.
-Улс төрийн намууд сонгуулийн тогтолцооны талаар байр сууриа илэрхийлж байгаа. Нэгдсэн байдлаар шийдэлд хүрсэн үү?
-Сонгуулийг ямар системээр явуулах вэ гэдэгт улс төрийн намууд нэгдсэн шийдэлд хараахан хүрээгүй байна. Улс төрийн намууд сон гуулийн систем дээр байр сууриа нэгтгэсний дараа энэ хуулийг УИХ-д оруулж ирнэ. Ажлын хэсгийнхэн хаврын чуулганд багтаан өргөн барихаар ажиллаж байна.
-УИХ-ын гишүүдтэй хариуцлага тооцох хуулийн төсөл боловсруулж байгаа гэсэн. Ямар агуулга, зорилготой төсөл вэ?
-Тэгэхээр төрийн хариуц- лагатай холбоотой асуудлаар иргэд маш олон өргөдөл ирүүлж байгаа. Энд ганцхан жишээ тата- хад УИХ-ын Дэгийн тухай хуульд гишүүдийн кнопыг бусдын өмнөөс дарж болохгүй гэсэн заалт байдаг. Харамсалтай нь, Дэгийн тухай хууль бодит амьдрал дээр хэрэгжихгүй байна. Бусдын кнопыг дарсан хүнд ямар хариуцлага тооцох вэ гэдэг нь ч бүрхэг байгаа юм. Тиймээс хариуцлагын тогтолцоог илүү тодорхой болгох шаардлагатай. Эрх мэдлээ хэтрүүлэн болон урвуулан хэрэглэх гэж Эрүүгийн хуулийн заалт байгаа. УИХ-ын гишүүн бусдын кнопыг дарсан тохиолдолд энэ зүйл ангийг нэг ч удаа хэрэглэж байгаагүй. Тэгэхээр УИХ- ын гишүүн бусдын кнопыг дарсан, чуулганы хуралдаанаа хүндэтгэх шалтгаангүйгээр тасалсан, төрийн түшээ хуралдаа согтуугаар ирэх нь сон гогчдыг доромжилсон хэрэг гэж үзэж байгаа. Хэрвээ сонгогчдын эрхэнд халдсан бол ямар хариуцлага хүлээх вэ гэдгийг Захиргааны зөрчлийн тухай хуульд тусгай бүлэг оруулж зохицуулах нь зүйтэй гэдэг асууд лыг тавьж байгаа юм. Энэ чиглэлд техникийн ажлын хэсэг гарч ажил- лаж байна. Хуулийн төсөл бэлэн болох үед иргэний танхимд нээлт- тэй хэлэлцүүлгийг хийж, ард иргэ- дийнхээ санаа, бодлыг сонсоно.
-Таны өргөн барьж байгаа энэ хуулийн төслийг танхимын нөхөд чинь дэмжих үү?
-Энэ хариуцлагын тухай хуу- лийг батлах уу гэж олон хүн асууж байна. Хариуцлага тооцох тухай асуудал орохоор УИХ хойш нь шидчихдэг муухай жишиг тогтлоо. Гэхдээ Шилэн дансны тухай хуулийн төслийг баталсан шиг УИХ- ын гишүүдэд хариуцлага тооцох тухай хуулийн төслийг тодорхой хугацааны дараа батална. Бид ирээдүйдээ итгэж байж асуудлыг шийддэг. Хариуцлагатай төр бий болно гэдэг итгэл найдвар бий учраас гишүүдтэйгээ хамтдаа энэ хуулийн төслийг өргөн барих төлөвлөгөөтэй байна.
-МҮОНРТ-ийн сар бүр иргэдээс авдаг хураамжийг байхгүй болгохоор судалж байна гэлээ. Яагаад ийм санал гаргах болов?
-Олон нийтийн радио, телевизийн хураамжийг 1990 оноос авдаг болсон. Өргөд лийн байнгын хороонд үндэсний телевизийн энэ хураамжийг авах нь шу дарга бус гэсэн гомдол ир сэн. Үнэхээр шударга бус нь үнэн. Арилжааны олон телевиз үзэгчдээс мөнгө авахгүй болоод байхад төсвөөс долоон тэрбум төгрөгийн татаас авдаг үндэсний телевиз иргэдээс яагаад хураамж авах ёстой гэж. Тэгэхээр энэ байдлыг таслан зогсоох ёстой. Энэ талаар санал авахаар Засгийн газарт албан бичиг хүргүүлсэн. Саналыг дэмжинэ гэдэгт итгэж байна.
Ц.ОЮУНТУНГАЛАГ
Эх сурвалж: Tumen.mn
