Аймгуудын ИТХ-ын тэргүүлэгчид тогтоол гарган гэмт хэргийн тухай мэдээллийг иргэдээс төлбөртэйгээр авах журмыг шинэчлэн баталлаа. Тухайн иргэний өгсөн мэдээлэл үнэн зөв болох нь батлагдвал түүний төлбөр буюу худалдан авах үнийн хэмжээ хэргийн онцлогоос хамааран янз бүр байхаар журамд заажээ. Тухайлбал, мал хулгайлах гэмт хэргийн мэдээллийг 50 мянгаас 2 сая, нуугдмал, далд үйлдэлтэй хөнгөн, хүндэвтэр гэмт хэргийн мэдээллийг 50-200 мянган төгрөгөөр худалдан авна. Мөн нуугдмал, далд үйлдэлтэй хүнд, онц хүнд гэмт хэргийн мэдээллийн төлбөрт 100 мянгаас таван сая төгрөг олгохын зэрэгцээ ГХУСТХ-д заасны дагуу төрийн дээд одон медальд уламжлах буюу холбогдох шагнал урамшуулал олгоно. Мэдээж мэдээллийн нууцыг чандлан хадгалах юм.Эх сурвалж: Shuurhai.mn
