Л.Гүндалай Ардчилсан намаас гарч өөрийн гэсэн нам байгуулахаар болсон тухайгаа зарласан. Түүгээр ч зогсохгүй намаа “Ард түмнээ хайрлая” хэмээн нэрийдэж, Эрдэнэтээс хотоос ирэх 2016 оны УИХ-ын сонгуульд нэр дэвшихээр болсон гэсэн юм. Тэгвэл Л.Гүндалай энэ сарын 2-ноос эхлэн Амарын талбай болон Барилгачдын талбай, Үйлчилгээний төвийн өмнөх газруудад явуулын “оффис” байгуулан иргэдээс гарын үсэг цуглуулж байгаа аж. Учир нь түүнийг дэмжиж 801 хүн гарын үсгээ зурвал “Ард түмнээ хайрлая” намаа Улсын дээд шүүхэд бүртгүүлэх гэнэ. Дашрамд дурдахад, тэрбээр Хан-Уул дүүргийн 11 дүгээр хорооноосоо албан ёсоор хасалт хийлгээд, Орхон аймгийн Баянбулаг багийн Баян-Өндөр гудамжны 277 тоотод бүртгүүлсэн бөгөөд хэрвээ түүнд газар олговол хашаа хатгаад, гэр бариад амьдарна гэнэ шүү.