“Эрдэнэс Таван толгой”-н гүйцэтгэх захирал Я.Батсуурь ШШГЕГ-ын харъяа 461 дүгээр ангид хоригдож байгаа. Түүний бие муудаж тус хорих ангийн эмнэлэгт эмчлүүлсэн. Одоогоор бие нь дунд зэрэг байгаа гэнэ. Тэрбээр хэргээ үнэн зөв шалгуулах, батлан даалтанд гарах хүсэлтээ удаа дараа прокурорт тавьсан. Гэвч батлан даалтанд гаргаагүй байна. Иймээс тэр өлсгөлөн зарлахаа мэдэгдсэн боловч бас л прокурорууд нь зөвшөөрөөгүй. Түүнийг албан тушаалаа урвуулан ашиглаж  “Эрдэнэс Таван толгой” компаниас их хэмжээний мөнгө зувчуулсан хэрэгт буруутгаж буй. Мөн Ерөнхий сайд асан Н.Алтанхуягийн хүргэн Г.Дэнзэнгийн эхнэрийн гэх “Говь Повер” компани руу хууль бус гэрээгээр мөнгө шилжүүлсэн хэргийг хамтатган шалгах болсон юм. Өөрөөр хэлбэл, Г.Дэнзэн нарыг Я.Батсуурийн хэрэгт холбогдуулж байлаа. Гэвч Г.Дэнзэн нь гадаад руу гарч яваад эргэж ирээгүй байна. Энэ сарын эхээр Монголдоо ирнэ гэсэн мессежийг цахим хуудсаараа олон нийтэд хүргэсэн боловч ирсэнгүй. Тиймээс Г.Дэнзэнгийн хэргийг Я.Батсуурийнхаас тусгаарлан шалгахаар болсон сурагтай. Тусгаарлан шалгах өөр учир шалтгаан ч байгаа болов уу.

Б.Баяр 

Эх сурвалж: Tumen.mn